Ditën e Hënë vendi ynë parashikohet të ndikohe nga kushte atmosferike të qëndrueshme.
Moti parashikohet i kthjellët p...
AKTUALITET
Pagoi 6000£ për të shkuar në Britani, si ra në kurth 29-vjeçari shqiptar, përfundoi duke punuar në "shtëpi bari" (EMRI)
b.zPërditësimi i fundit 7 Qershor 2024, 19:09
Foto ilustruese
BRITANI - Maksim Lamo, 29-vjeç me origjinë nga Shqipëria shkoi në Britaninë e Madhe me një kamion, për një jetë më të mirë por përfundoi duke punuar për kriminelët në një fermë kanabisi në Blackburn.
Mediat e huaja shkruajnë se Lamo kishte menduar se do të pritej nga një mik i tij kur të mbërrinte dhe se do të fillonte një punë të pastër në ndërtim, por kishte përfunduar duke punuar në një shtëpi bari.
Sipas dëshmisë së Lamos, prindërit e tij i kanë paguar 6000 £ një burri që kishte premtuar se do ta sillte në Mbretërinë e bashkuar, por kur Lamo ka mbërritur në Britani shoku i tij nuk u paraqit për ta takuar dhe iu tha se duhej të paguante një shumë shtesë prej 9,000 £.
Ndërkohë kriminelët e dinin emrin e tij dhe e kërcënuan atë dhe familjen e tij, nëse nuk do të shlyente borxhin. Ai u çua në Blackburn dhe filloi të punonte në një fabrikë kanabisi, e cila tashmë funksiononte me drita dhe pajisje të specializuara për rritje të bimëve narkotike.
Ai merrte vetëm 200 £ në muaj për të paguar ushqimin dhe gjërat e nevojshme. Më 28 tetor 2020, oficerët e policisë ushtruan kontrollin në banesën ku u gjet Lamo dhe zbuluan 32 bimë në një dhomë gjumi në katin e sipërm dhe 34 të tjera të cilat nuk kishin arritur ende pjekurinë. Në total, bimët kishin një rendiment të vlerësuar prej 2,640 g.
