Policia e Himarës ka shoqëruar tre persona, të cilët dyshohet se mund të kenë lidhje me zjarrin e përmasave të më...
AKTUALITET
Parcelë me kanabis në Shkodër, arrestohen dy persona, procedohet kryeplaku
PiranjatPërditësimi i fundit 27 Qershor 2026, 10:18
Policia e Shkodrës ka goditur dy raste të kultivimit të bimëve narkotike në kuadër të operacionit të koduar “Territor i Pastër”, duke arrestuar dy persona dhe proceduar penalisht kryeplakun e një fshati.
Sipas njoftimit zyrtar, gjatë kontrolleve të zhvilluara në fshatin Ndrejaj, njësia administrative Shosh, shërbimet e Policisë zbuluan një parcelë me 768 bimë të dyshuara narkotike cannabis sativa.
Në flagrancë u arrestua 53-vjeçari me inicialet P. M., i cili u kap në parcelën ku dyshohet se kishte kultivuar bimët narkotike. Po ashtu, pranë banesës së tij u sekuestruan edhe 80 kubikë të dyshuar me fidanë kanabisi.
Një tjetër rast u zbulua në fshatin Vukël, në njësinë administrative Kelmend, ku Policia konstatoi 1250 bimë të dyshuara cannabis sativa. Në afërsi të parcelës u arrestua në flagrancë shtetasi A. Ç., 52 vjeç, i dyshuar për veprën penale “Moskallëzimi i krimit”.
Në vijim të veprimeve hetimore, nisi procedimi penal në gjendje të lirë edhe ndaj kryeplakut të fshatit Vukël, shtetasit K. B., 65 vjeç.
Në total, Policia asgjësoi me anë të djegies 2 098 bimë dhe fidanë kanabisi, ndërsa kontrollet vijojnë në të gjithë territorin e qarkut Shkodër për parandalimin dhe goditjen e kultivimit të bimëve narkotike.
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Shkodër për veprime të mëtejshme.
