Pedagogu Aleksandër Kovaçi tha para derës së kryeminsitrisë se nuk do të ketë dilaog me Ramë...
AKTUALITET
"Parfumi që ngriti pikëpyetje!" Dyshime për korrupsion, SPAK pushon çështjen pas një viti hetim për prokuroren në Elbasan
M.B.Përditësimi i fundit 1 Prill 2025, 12:49
TIRANA- Prokuroria e Posaçme ka arritur në përfundimin se nuk ka asnjë provë që të dëshmojë se bëhet fjalë për veprën e korrupsionit për rastin kur në zyrën e një prokuroreje në Elbasan u gjet një parfum me vlerë 3.700 lekë. Mbyllja e hetimeve vjen pas një viti ndërsa mësohet se në përfundim SPAK ka kërkuar që çështja të pushohej, kërkesë e cila është pranuar nga gjyqtarja Irena Gjoka, e cila ka vlerësuar se nuk kishte indicie që mund të mbështesnin akuzat për korrupsion.
Mësohet se gjatë hetimit u intervistuan disa persona, shqyrtuan telefonat e tyre, dhe analizuan pamjet e kamerave të sigurisë. Bëhet fjalë për një ngjarje më 4 dhjetor 2023, kur oficer i Policisë Gjyqësore të Elbasanit, ka hyrë në zyrën e prokurores Glenda Zeneli dhe i ka dhënë një parfum, duke thënë se ia ka dhënë një qytetar, Ismail Q., i cili ishte arrestuar 2 muaj më parë për "drejtim të automjetit në mënyrë të parregullt" dhe që ishte lënë në masën “detyrim paraqitjeje” me kërkesë të saj.
Edhe pse prokurorja e ka refuzuar dhuratën, nuk ka mundur t’ia kthejë menjëherë oficerit. Ky moment është “kapur” nga kamerat e sigurisë. Prokurorja i ka kthyer më pas sendin oficerit, duke i dhënë gjithashtu edhe një vendim për refuzimin e dhuratës duke u bazuar në ligjin për konfliktin e interesit. Qytetari i arrestuar ka mohuar të ketë dhuruar parfumin për prokuroren.
