Teksa vala e protestave të studentëve dhe të rinjve ka pushtuar vendin, rezistenca e tyre vijon prej ditësh në rrugët e Tiran&eu...
AKTUALITET
Pas mandarinave, Kroacia bllokon edhe pjeshkat nga Shqipëria. Alarmi u dha nga BE. Materiali i rrezikshëm që përmbajnë ato
PiranjatPërditësimi i fundit 3 Shtator 2025, 17:41
Kroacia ka bllokuar një ngarkesë me pjeshkë të eksportuara nga Shqipëria, për përmbajtje të lartë të nikelit. Ngarkesa, sasia e të cilës nuk dihet ende, është cilësuar e dëmshme dhe jashtë standardeve të BE-së.
Alarmi është dhënë nga Sistemi i Alarmit të Shpejtë për Ushqimin e njerëzve dhe Kafshëve i Bashkimit Evropian, ku Shqipëria shënohet si vend origjine dhe Kroacia si vend që i ka bllokuar ato.
Ende nuk dihet cila është kompania që ka importuar sasinë e pjeshkave apo në cilën zonë të Shqipërisë janë prodhuar ato dhe nëse të njëjtat janë tregtuar edhe në tregun vendas për konsumatorin shqiptar.
Pak muaj më parë, Kroacia bllokoi rreth 10 ton me mandarina me nivel të lartë pesticidesh. Më vonë, autoritetet arrestuan tre persona për shitjen e kësaj sasie mandarinash në tregun shqiptar.
Ushqimet e kontaminuara me nikel mund të sjellin disa rreziqe për shëndetin, veçanërisht nëse ekspozimi është i lartë ose i përsëritur.
Produkti, i kategorisë “Fruta dhe perime”, u ndalua në kufi dhe u vendos për shkatërrim nga autoritetet kroate për të shmangur rrezikun potencial për konsumatorët. Analiza laboratorike tregoi një nivel nikel prej 0,267 mg/kg në pjeshkë (Pjeshke).
Kjo nuk është hera e parë që vendet europiane kthejnë pas produktet shqiptare për probleme të tilla. Megjithatë, këto produkte zakonisht nuk bllokohen në tregun shqiptar, dhe disa ngarkesa potencialisht të rrezikshme janë rishitur dhe shpërndarë brenda Shqipërisë, duke ngritur shqetësime për sigurinë ushqimore.
Në dokumentin e sistemit europian të monitorimit, i cili mbron konsumatorët dhe i njofton ata për rrezikun e lartë nga konsumimi i këtij produkti, në këtë rast të kontaminuar me metale.
1. Reagime alergjike
Nikeli është një nga metalet më të zakonshme që shkakton alergji. Personat me alergji ndaj nikelit mund të zhvillojnë:Skuqje, kruarje ose dermatit kontakti. Në raste më të rënda, dhimbje abdominale ose simptoma të tjera gastrointestinale.
2. Efekte gastrointestinale
Konsumimi i nikelit në sasi të larta mund të shkaktojë: Dhimbje barku Diarre Nauze (marramendje e të përzier) Këto efekte zakonisht shfaqen tek njerëzit më të ndjeshëm ose pas ekspozimeve të mëdha.
3. Efekte kronike
Ekspozimi i gjatë ndaj sasisë së madhe të nikelit përmes ushqimit mund të ndikojë në:Sistem imun (mund të shkaktojë reagime alergjike të vazhdueshme) Sistem nervor dhe organet e tjera në rastet e nivelit shumë të lartë (por kjo është shumë e rrallë përmes ushqimit normal)./Piranjat.al
