Teksa vala e protestave të studentëve dhe të rinjve ka pushtuar vendin, rezistenca e tyre vijon prej ditësh në rrugët e Tiran&eu...
AKTUALITET
Pasi fituan zgjedhjet e pjesshme lokale, Balluku rrit çmimin e energjisë elektrike
PiranjatPërditësimi i fundit 10 Nëntor 2025, 11:29
Zëvendëskryeministrja dhe ministrja e Infrastrukturës, Belinda Balluku gjatë një konference ditën e sotme njoftoi rritjen e energjisë elektrike për pikat e karikimit të automjeteve elektrike për abonentët familja.
“Burimet e rinovueshme po e bëjnë sistemin tonë më efikas. Paralelisht me zhvillimin e kapaciteteve dhe inovacionit që kemi ngritur brenda OSHEE. Kem vënë re mungesë të kuadrove të ri në sektorin e energjisë. Kemi ndërmarr ngjate vitit 2024. OSHEE është ajo që po krijon akademinë. Akademia do të krijojë brez të ri ekspertësh. Ashtu siç i kam bërë me dije sekretarit amerikan të energjisë jo vetëm të jemi konsumator të energjisë por të kthehem në një eksportues të energjisë. Greqia ka mbyllur bilancin me 100 milionë euro fitime në sektorin e energjisë gjatë vitit 2024 dhe ky është synimi ynë të fitojmë po aq sa Greqia .OSHEE Charge
është një hap i domosdoshëm sepse për momentin është i përqendruar në Tiranë
Ekzistojnë 260 mijë mjete elektrike dhe ekzistojnë më pak pika karikimi. Gjithashtu është rritur sasia e konsumimit të energjisë elektrike. E shikojmë të nevojshme që të rritet çmimi i energjisë elektrike me 22 lekë për tregtarët privatë që do ta shesin energjinë tek përdoruesit e mjeteve elektrike. 9.5 lekë do të shtohet çmimi për personat që karikojnë makinën elektrike në banesën e tyre. Energjia që do të përdoret nga OSHEE charge do të sigurohet nga burime të rinovueshme. Projekti do të fillojë në Tiranë me ndërtimin e një pike karikimi e cila do të mundësojë të marrin shërbim njëkohësisht 20 mjete”, deklaroi Balluku.
