Një ngjarje e rëndë është regjistruar mëngjesin e kësaj të marte në qytetin e Korçës, ku një 66-...
AKTUALITET
Pasuri marramendëse në kohë rekord: Si u pasurua Ceno Klosi nën hijen e Ballukut
PiranjatPërditësimi i fundit 3 Nëntor 2025, 14:45
Nga Almer Toska
Deklarata e pasurisë së Ceno Klosit, ish-drejtorit të Përgjithshëm të Tatimeve, zbulon një rritje marramendëse të pasurisë që ngre dyshime të forta për korrupsion dhe pasuri të pajustifikuar.
Kush është Ceno Klosi?
Nga viti 2002 deri në 2015, për 13 vite me radhë, ka punuar në banka të nivelit të dytë, si specialist dhe drejtues sektori.
Në 2015 u punësua në OSHEE, ku mbajti postin e Drejtorit të Departamentit Ekonomik deri në vitin 2021.
Në qershor 2021 u emërua Drejtor i Përgjithshëm i AKUM, dhe vetëm katër muaj më pas, me VKM nr. 625, datë 22.10.2021, u ngjit në majën e administratës – Drejtor i Përgjithshëm i Tatimeve.
Çfarë tregon pasuria e tij?
Në 13 vite punë në banka, arriti të blejë vetëm një apartament prej 93.2 m2 në Tiranë, me vlerë 6.8 milionë lekë, blerë në 2010 me kredi 45 mijë euro.
Vetëm një vit pasi kalon në OSHEE, në tetor 2016, Klosi deklaron blerjen e një apartamenti të dytë 160 m2, me kredi 200 mijë euro.
Në janar 2019, ai hap një biznes në Angli, me adresë një vilë luksoze, dhe jep 140 mijë paund me fajde (!).
Nga ku i ka marrë këto para një zyrtar me pagë publike?
Në qershor 2021, në momentin që emërohet drejtor i AKUM, Ceno Klosi blen një apartament tjetër me vlerë 280 mijë euro, nga të cilat 60 mijë janë “kursime familjare” dhe 150 mijë kredi.
Apartamenti është në zonë luksi, me 154 m2 sipërfaqe dhe 91 m2 verandë – një pasuri që nuk justifikohet me të ardhurat e një funksionari publik.
Përveç kësaj, Ceno Klosi deklaron edhe:
48 mijë paund depozitë familjare, 30 mijë euro depozitë personale, ndërsa bashkëshortja ka depozitë me 100 mijë euro. Në total, pasuria familjare i kalon 900 mijë euro!
Pyetja është e thjeshtë:
Si është e mundur që një njeri që në 13 vite në sektorin privat nuk kishte më shumë se një apartament 6.8 milionë lekësh, të bëhet milioner sapo hyn në shtet?
Cilat janë burimet reale të kësaj pasurie?
A janë këto “kursime familjare”, apo fitime nga korrupsioni dhe tendera?
SPAK duhet të hetojë me urgjencë Ceno Klosin, ish-drejtorin hajdut të tatimeve, institucion që duhet të mbledhë taksat për shtetin, jo për xhepat e vetë drejtorit!
Ky është portreti tipik i një zyrtari që pasurohet në kurriz të qytetarëve, ndërsa administrata publike mbushet me luks, vila, kredi të dyshimta dhe depozita të shumta në euro e paund.
