Ish-ministri i Jashtëm, Ditmir Bushati ka reaguar për herë të parë në lidhje me protestat masive të të rinjve dhe qyteta...
AKTUALITET
Pemë të rrëzuara dhe përmbytje/ Stuhia e fortë përfshin disa qytete, policia apelon drejtuesit e mjeteve: Respektoni rregullat
PiranjatPërditësimi i fundit 30 Gusht 2025, 15:04
Mesditën e sotme, stuhia era e të fortë dhe reshjet e dendura të shiut, përfshinë disa nga qytete kryesore në vend. Si pasojë e reshjeve dhe erës së fortë në disa zona të Tiranës, janë shkaktuar dëme.
Në foto të publikuara në media, duket se janë rrëzuar pemët në anë të rrugës të cilat kanë rënë mbi një automjet.
Policia gjithashtu, u bëri thirrje qytetarëve që “të jenë të kujdesshëm, të shmangin lëvizjet e panevojshme dhe të raportojnë çdo situatë të rrezikshme në numrin 112”.
Policia e Shtetit njoftimi:
"Nisur nga moti i keq me erë të fortë, shi e stuhi në disa qarqe të vendit, Policia e Shtetit apelon edhe njëherë për të gjithë përdoruesit e rrugës që të tregojnë kujdes maksimal dhe të respektojnë me rigorozitet rregullat e qarkullimit rrugor.
Si pasojë e erës së fortë dhe reshjeve të dendura të shiut, ka prezencë uji në disa akse, inerte dhe thyerje të pemëve.
Drejtuesit e automjeteve dhe motomjeteve të qarkullojnë ngadalë, po ashtu edhe këmbësorët të tregojnë kujdes nga rënia e inerteve, pemëve apo sendeve nga lartësitë e pallateve.
Punonjësit e Policisë në të gjitha Drejtoritë Vendore të Policisë janë prezentë kudo në terren, për të ofruar ndihmë dhe mbështetje qytetarëve, për shkak të motit të keq.
Qytetarët dhe përdoruesit e rrugës të bashkëpunojnë me Policinë, në rastet e bllokimit të rrugëve apo problemeve të tjera për shkak të motit të keq, me qëllim koordinimin e veprimeve me gjithë strukturat e tjera shtetërore.
???? Telefononi në 112 për çdo rast nevoje dhe respektoni udhëzimet e Policisë."/Piranjat.al
