Përfshihet nga flakët banesa në Lushnje, shpëton mrekullisht e moshuara e paralizuar

Foto ilustruese

LUSHNJE - Një banesë është përfshirë nga flakët në lagjen "Kadri Qystri" në Lushnje. Sipas policisë ngjarja ka ndodhur ditën e djeshme dhe dyshohet se shkak për zjarrin është bërë një shkëndijë elektrike. Në banesë jetonte e vetme një 78-vjeçare e cila ishte në pamundësi për të lëvizur (e paralizuar), e cila është evakuar dhe ndodhet në gjendje të mirë shëndetësore. Sakaq, një grup i posaçëm hetimor po punon për të dokumentuar me prova ligjore, shkakun e zjarrit.

Njoftimi i Policisë:

Ditën e djeshme, dyshohet se si pasojë e një shkëndije elektike, ka rënë zjarr në banesën e shtetases E. M., në lagjen “Kadri Qystri”. Sapo janë njoftuar, shërbimet e Komisariatit të Policisë Lushnjë kanë shkuar menjëherë në vendngjarje. Ndërhyrja e menjëhershme dhe profesionale e tyre ka mundësuar evakuimin e nënës së shtetases E. M., shtetases Rr. M., 78 vjeçe, e cila ishte në pamundësi për të levizur (e paralizuar) dhe në momentin e zjarrit, vetëm në banesë. 78-vjeçarja është në gjendje të mirë shëndetësore. Ndërkaq, një grup i posaçëm hetimor po punon për të dokumentuar me prova ligjore, shkakun e zjarrit.

zjarr lushnje