Gjesti
KOSOVË- Katër djem, shqiptarë të Shqipërisë, Kosovës, Maqedonisë së Veriut të cilët jetojn&eu...
BOTA
"Perla ishte ëndrra jonë!" E rëndë në Itali/ Nëna mbyt vajzën 10 muajshe dhe godet veten me thikë, babai gjen foshnjën e pajetë në vaksë
M.B.Përditësimi i fundit 23 Nëntor 2024, 08:37
ITALIA- Një ngjarje e rëndë ka ndodhur në Nole, provincën e Torinos në Itali nga ku raportohet se kryefamiljari ka gjetur brenda banesës foshnjën e tij të mbytur, ndërsa gruan të goditur me thikë. Sipas mediave italiane, ngjarja po hetohet nga policia, ndërsa paraprakisht ka dyshime se vajza 10 muajshe është mbytur nga e ëma, e cila më pas ka tentuar të vrasë veten me thikë.
Policia italiane raportohet se është lajmëruar nga kryefamiljari, ndërsa vogëlushja është gjetur në vaskë. Gjithashtu mediat italiane shkruajnë se kur është kthyer nga puna në orën 12:45, kryefamiljari ka gjetur derën e shtëpisë të mbyllur nga brenda dhe nuk ka marrë asnjë përgjigje nga gruaja e tij. Pasi hyri nga një dritare e banesës, ai ka parë skenën e rëndë.
Nëna ndodhej aty pranë, e plagosur me thikë kuzhine në kyçe, bark dhe qafë. Gruaja ndodhet në spitalin Molinette në Torino, pasi u transportua me helikopter. Bëhet me dije se ajo iu nënshtrua një operacioni dhe mësohet se është në gjendje të mirë. Gruaja prej disa kohësh ishte nën kujdesin e psikologut. Carola, 34-vjeçe, kishte disa kohë që po luftonte me depresionin e rëndë pas lindjes.
“Kemi 18 vjet bashkë, Perla ishte ëndrra jonë. E donim shumë”, tha 36-vjeçari Antonio Parrinello sipas mediave italiane.
