Përplasen dy automjete në aksin Pogradec-Qafë Thanë, arrestohet njëri prej shoferëve, tjetri përfundon në spital

foto ilustruese

KORÇË- Arrestohen në flagrancë dy drejtues automjetesh dhe procedohet një tjetër në Korçë. Mësohet se është arrestuar 37-vjeçari S.A pasi ka përplasur me automjet një tjetër të tillë duke dëmtuar shoferin e ktij të fundit.

Gjithashtu është arrestuar shoferi 34-vjeçar pasi u kap duke drejtuar makinën pa patentë. Ndërkohë shoferja 43-vjeçare është proceduar e lirë pasi ka përplasur një këmbësore me automjetin e saj.

Njoftimi i Policisë:

Drejtoria Vendore e Policisë Korçë

Sektori për Policinë Rrugore arrestoi në flagrancë shtetasit:

-S. A., 37 vjeç, banues në Prilep, Maqedonia e Veriut, pasi në aksin rrugor “Pogradec-Qafë Thanë”, automjeti që drejtonte është përplasur me automjetin me drejtues shtetasin Y. Sh., 36 vjeç, banues në fshatin Stropckë, Pogradec. Për pasojë është dëmtuar shtetasi Y. Sh., i cili u dërgua për mjekim, në spital; 

 -V. I., 34 vjeç, banues në fshatin Voskop, Korçë, pasi pranë fshatit Gjonomadh, Korçë, u kap duke drejtuar automjetin, pa leje drejtimi.

Gjithashtu, referuan materialet në Prokurori ku filloi procedimi në gjendje të lirë për shtetasen N. B., 43 vjeçe, banuese në Korçë, pasi në lagjen nr. 15, duke drejtuar automjetin, ka aksidentuar këmbësoren F. J., 78 vjeçe, banuese në Korçë, e cila u dërgua në spital, për mjekim.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë.

pogradec aksident