Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
AKTUALITET
Përplasje si në filma në autostradë, zbardhet ngjarja me protagonistë shqiptarë. Dëshmia: Altini u “çmend” nga xhelozia për të dashurën
PiranjatPërditësimi i fundit 22 Tetor 2025, 22:11
Njësia Hetimore Italiane e Parmës (RIS), ka zbardhur një ngjarje të ndodhur rreth dy vite më parë, kur një 28-vjeçar shqiptar u aksidentua në rrugë dhe më pas rezultoi se ishte plagosur edhe me armë zjarri.
Të akuzuar janë dy burra, gjithashtu shqiptarë, ndaj të cilëve është ngritur akuza për tentativë vrasjeje. Atë ditë, viktima po ngiste makinën përgjatë rrugës provinciale 203, pak jashtë qytetit të Mantës.
Një shofer tjetër që e ndihmoi kujton se pa një furgon që i afrohej dhe parakaloi automjetin.
Pak më vonë, makina devijoi dhe përfundoi në një kanal: "Duket sikur po përpiqeshin të parakalonin, por ishin mjaft afër njëri-tjetrit. Në një moment, e pashë makinën të futej në kanal”, kujton dëshmitari. I riu i plagosur nga e shtëna me armë zjarri, e cila e goditi nën sqetull, thotë se e pa furgonin e një të njohuri disa herë atë mëngjes.
“Ai u afrua pas meje, me dritat e ndezura, pastaj, ndërsa më kaloi, pashë të shtënën që theu xhamin", thotë ai, Karabinierët ishin të parët që morën deklaratën e tij, ndërsa po bëhej gati të hynte në sallën e operacionit. Pavarësisht dhimbjeve të forta dhe situatës kaotike, 28-vjeçari e njohu sulmuesin e tij të dyshuar.
Motivi i urrejtjes së tij, siç shpjegoi më vonë në gjykatë, ishte pasioni. "Ai mendonte se kisha një aferë me të dashurën e tij. Ajo më kishte ndihmuar me dokumentet, patentën, asgjë më shumë”, shton shqiptari. Hetuesit konfirmuan praninë e barutit në furgonin në pronësi të Altin Jakini, një kontraktor ndërtimi afërsisht në të njëjtën moshë me viktimën.
Testi i dytë, gjeti grimca të shumta plumbi pranë anës së djathtë të pasagjerit: "Kjo mbështet idenë se arma mund të ketë qenë e pozicionuar pranë dritares ose pak jashtë", tha Kryeoficeri Stefano Orsenigo.
"Kemi prova të qëndrueshme”, shtoi oficeri, "për të përjashtuar mundësinë e një të shtëne nga një armë e pozicionuar brenda automjetit”. Megjithatë, kolegu i tij Talamelli pretendon se dora e shoferit mbeti brenda automjetit ndërsa u qëlluan të shtënat.
Gjyqi do të rifillojë më 3 dhjetor me marrjen në pyetje të dëshmitarëve të tjerë për prokurorin.
