Protesta e studentëve në Universitetin “Aleksandër Moisiu” në Durrës është shfaqur edhe në ambientet e kam...
AKTUALITET
Pjeshkët e bllokuara në Kroaci, AKU: Ishin 5562 kg, por tani nuk ndodhen në Shqipëri
PiranjatPërditësimi i fundit 4 Shtator 2025, 11:27
Vetëm kur një vend i huaj ndalon produktet tona në kufi, shqiptarët marrin vesh çfarë helmimesh po u shiten si fruta. Autoritetet në Shqipëri rrallë japin njoftime për analiza, ndalime apo asgjësime të produkteve me pesticide të rrezikshme. Asnjë transparencë, asnjë alarm publik, ndërkohë që tregjet janë të mbushura me fruta e perime që mund të jenë gjithçka tjetër, përveçse të sigurta. Kontrolli ushqimor duket më shumë si formalitet sesa si garanci për shëndetin.
Së fundmi në Kroaci u bllokua një ngarkesë me pjeshkë, të cilat kanë rezultuar të kontaminuara me metale nikeli, mbi normën e lejuar.
Gjë të cilën e konfirmon edhe Autoriteti Kombëtar i Ushqimit (AKU), teksa bën me dije se bëhet fjalë për një sasi prej 5562 kilogramësh.
AKU thotë se pjeshkët janë asgjësuar në Kroaci, teksa janë ushtruar kontrolle në magazinat e eksportues dhe nuk ka patur gjendje të produktit.
AKU shton se nga verifikimet ka rezultuar se i gjithë produkti është dërguar për eksport dhe nuk është shpërndarë në tregun vendas.
Reagimi i AKU-së:
Më datë 22.08.2025, Shqipëria është njoftuar nga Sistemi RASFF, në kategorinë “Njoftim për refuzim në kufi me numër reference 2025.6367” me temë: “Nikel në pjeshkë me origjinë nga Shqipëria”, të njoftuar nga Kroacia.
Nga analizat e kryera në shtetin kroat, është konstatuar prania Nikel mbi normën e lejuar.
Menjëherë pas marrjes së njoftimit, rasti i kaloi për ndjekje strukturave të Drejtorisë Rajonale të AKU Fier.
U krye inspektim në OBU eksportues, ku rezultoi se nuk ka gjendje të produktit në magazinat e tij.
Subjekti disponon sistem gjurmueshmërie, ku u verifikua se produkti është dërguar i gjithi për eksport dhe nuk është shpërndarë në tregun vendas.
Sasia prej 5562 kg pjeshkë janë dërguar drejt Kroacisë, ku dhe janë asgjësuar pas rezultatit të analizës laboratorike. Rasti iu referua dhe AKVMB për masa të mëtejshme.
AKU ka bërë edhe njoftimin përkatës mbi rezultatet e verifikimeve në kategorinë e njoftimeve RASFF.
