Plagosen me thikë 41-vjeçarin pas një konflikti, arrestohen 3 të rinjtë në Tiranë

Foto ilustruese

TIRANË- Tre të rinjë janë vënë në pranga në Tiranë. Mësohet se arrestimi i tyre ka ardhur pasi ata kanë plagosur me thikë një 41-vjeçar. Sipas njoftimit të policisë ngjarja ka ndodhur në rrugën "Ramazan Gaxherri" pas një sherri mes tre të arrestuarve dhe të plagosurit.

Pas sherrit tre të rinjtë përkatësisht 31-vjeçari me inicialet B. L., 20-vjeçari I. M. dhe 34-vjeçari me iniciale R. K. kanë plagosur 41-vjeçarin. I plagosuri është identifikuar si 41-vjeçari me inicialet F. B dhe ndodhet në spital nën kujdesin e mjekëve. Materialet në lidhje me ngjarjen i kaluan Prokurorisë.

Njoftimi:

Specialistët për Hetimin e Krimeve të Komisariatit të Policisë Nr. 4 arrestuan shtetasit:

- B. L., 31 vjeç, I. M., 20 vjeç dhe R. K., 34 vjeç, të tre banues në Tiranë, për veprën penale "Plagosja e rëndë me dashje", kryer në bashkëpunim, parashikuar nga neni 88/25 i Kodit Penal. Në rrugën "Ramazan Gaxherri", 3 të arrestuarit, në bashkëpunim me njëri-tjetrin, dyshohet se pas një konflikti për motive të dobëta, kanë goditur me mjet prerës shtetasin F. B., 41 vjeç, banues në Tiranë, i cili ndodhet në spital, në kujdesin e mjekëve; Materialet i kaluan Prokurorisë.

tirane arrestim plagosje