Një zë i rëndësishëm në Kongresin e Shteteve të Bashkuara të Amerikës, republikania Alexandria Ocasio Cortez ka rea...
AKTUALITET
Plagosi me thikë 17-vjeçarin në Mat, vihet në pranga autori (EMRI)
n.fPërditësimi i fundit 13 Shkurt 2025, 13:47
MAT- 18-vjeçari, Donald Lepuri është vënë në pranga ditën e sotme në lidhje me plagosjen e 17-vjeçarit në Mat. Policia bën me dije se pasi ka identifikuar autorin e ka vënë në pranga.
Plagosja e të miturit u regjistrua rreth orës 10:30 në ambientin sportiv të shkollës së mesme në fshatin Baz. Plagosja dyshohet se ka ndodhur gjatë një konflikti për motive të dobëta. Lepuri ka goditur me thikë të miturin i cili është transportuar në spital për ndihmë mjekësore.
“Dyshohet se plagosi me mjet prerës një 17-vjeçar, Policia identifikon dhe shoqëron autorin e dyshuar. Sot, rreth orës 10.30, në ambientin sportiv të shkollës së mesme në fshatin Baz, dyshohet se gjatë një konflikti për motive të dobëta, shtetasi D.L., 18 vjeç, ka goditur me mjet prerës një 17-vjeçar, i cili është transportuar në spital për ndihmë mjekësore.
Falë veprimeve të shpejta dhe reagimit të menjëhershëm, shërbimet e Komisariatit të Policisë Mat bënë të mundur kapjen dhe shoqërimin në Komisariat të autorit të dyshuar të ngjarjes, shtetasin D.L.
Gjatë veprimeve të para hetimore lidhur me këtë ngjarje, rezulton se 2 shtetasit e përfshirë në konflikt nuk kanë pasur konflikte të mëparshme. Gjithashtu, u gjet dhe u sekuestrua në cilësinë e provës materiale mjeti prerës që dyshohet se është përdorur gjatë konfliktit. Grupi hetimor, nën drejtimin e Prokurorisë, vijon veprimet hetimore për të sqaruar rrethanat dhe dinamikën e plotë të ngjarjes”, sipas në njoftimin e policisë.
