Policia është përplasur me protestuesit e rinj në qendër të Tiranës pasditen e të hënës, ku dhjetëra pers...
AKTUALITET
Plagosi me thikë dy persona për motive të dobëta, arrestohet 45-vjeçari në Gjirokastër
S.BPërditësimi i fundit 21 Maj 2024, 11:09
foto ilustruese
GJIROKASTËR- Arrestohet 45-vjeçari në Gjirokastër pas një konflikti me dy persona të tjerë. Mësohet se 45-vjeçari E.K, gjatë një konflikti për motive të dobëta ka plagosur me thikë dy persona të moshave 40 dhe 37 vjeç.
Të plagosurit ndodhen në spital jashtë rrezikut për jetën, ndërkohë që autori është arrestuar për veprat penale plagosja e rëndë me dashje dhe mbajtja pa leje e armëve të ftohta.
Njoftimi i Policisë:
Gjatë një konflikti të çastit, plagosi me mjet prerës (thikë) 2 shtetas, kapet dhe vihet në pranga 45-vjeçari.
Menjëherë pas njoftimit, mbrëmjen e djeshme, për një konflikt ndërmjet 3 shtetasve, Seksioni për Hetimin e Krimeve të Rënda i DVP Gjirokastër nisi hetimet për të nxjerrë përpara përgjegjësisë penale shtetasin/t përgjegjës, si dhe për zbardhjen e rrethanave të këtij konflikti.
Si rezultat, u kap dhe u vu në pranga shtetasi E. K., 45 vjeç, i cili dyshohet se gjatë një konflikti të çastit, për motive të dobëta, ka dëmtuar me mjet prerës (thikë), shtetasit E. B., 40 vjeç dhe F. D., 37 vjeç, të cilët janë në kujdesin e mjekëve dhe jashtë rrezikut për jetën.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme, për veprat penale “Plagosja e rëndë me dashje” dhe “Prodhimi, mbajtja, blerja apo shitja pa leje e armëve të ftohta”.
