Sërish situata paraqitet e tensionuar në hyrjet e kantierit të Aeroportit të Vlorës edhe gjatë ditës së sotme. Sipas i...
AKTUALITET
Përgjimet e SPAK për bisedat e vëllezërve Aliu: Plakën nuk e zë gjumi! Mbushja një dyshek me miliona të flejë rehat!
PiranjatPërditësimi i fundit 24 Qershor 2026, 11:48
Në dosjen hetimore të SPAK, me goditjen e rrjetit kriminal të grupeve të drejtuara nga Eldi Dizdari, Dritan Gjika e Armando Pacanit, me furnitor dhe një rol kryesor të Salvatore Aliu, nga komunikimet në Sky ECC zbulohen shifrat e majme që anëtarët egrupit kriminal kanë përfituar nga trafiku i kokainës.
Dy fugura kyçe të grupit kriminal anë vëllezërit Aliu, ku përkatësisht Salvadore Aliu, dyshohet see ishte furnitori kryesor me kokainë i grupeve të Eldi Dizdarit, Dritan Gjikës e Armando Pacanit, ndërsa i vëllai Isa Aliu e ndihmonte të pastronte paratë e kokainës në shtëpi.
Isa Aliu, e njofton vëllain e tij, Salvatoren, për sasitë e parave të dorzuara nga persona të ndryshëm dhe mban të shënuara llogaritë e tyre.
Sipas dosjes hetimore, më 30 gusht 2020, Isa Aliu informon Salvatore Aliun se disponon rreth 6 milionë euro cash. Rreth dy javë më vonë, më 15 shtator 2020, ai i raporton se shuma ka arritur në 9.8 milionë euro.
Ndërkohë, në një tjetër komunikim të datës 13 shtator 2020, Salvatore Aliu i konfirmon Isës se në vijim priteshin edhe 20 milionë euro të tjera.
Në një prej komunikimeve të zbardhura në Sky ECC, Isa Aliu i tregon vëllait të tij, Salvatore Aliu, se nëna e tyre kishte nisur të trembej nga sasia e madhe e parave cash që mbaheshin në banesë.
Sipas bisedës, ajo habitej nga paratë që ndodheshin në shtëpi, ndërsa Salvatore i përgjigjej me ironi duke i sugjeruar: “Mbushja një dyshek që të flejë rehat”.
Isa Aliu: Ato që kanë dhënë lekët. Salvatore: Aty në Shqipëri? Salvatore: Se do t’i mbyll llogaritë me të gjithë. Isa Aliu: Këtu janë bërë rreth 9 milionë e 800. Salvatore: Dua të shoh sa lekë të kanë dorëzuar ty. Salvatore: Edhe si t’i kanë dorëzuar, do m’i kalosh. Isa Aliu: Me atë që kam mbledhur… Salvatore: Nuk i dua kështu. Salvatore: I dua në total. Isa Aliu: OK. Salvatore: I dua sipas mënyrës si t’i kanë dorëzuar. Salvatore: Ose si i ke mbajtur të shënuara. Isa Aliu: Po, i kam shënuar.
Isa Aliu: Natën, zemër, plaka ka filluar të trembet. Salvatore: Pse? Salvatore: Për çfarë? Salvatore: Çfarë ka? Isa Aliu: Po, sa herë vjen dikush dhe më sheh… Salvatore: Po s’ka gjë, çfarë ka parë? Isa Aliu: Po pra. Isa Aliu: Habitet. Salvatore: Mbushja një dyshek. Salvatore: Që të flejë rehat. Isa Aliu: Thotë: “Pse ekzistojnë kaq shumë?” Salvatore: Janë edhe 20. Salvatore: Akoma. Salvatore: Që duhet të vijnë.
