Kryetari i Partisë Demokratike, Sali Berisha, ka shpërndarë në rrjetet sociale një pjesë nga fjala e një protestueseje n&eu...
AKTUALITET
"Plumbi i Artë"/ Tensione gjatë dëshmisë së Nuredin Dumanit, kontestohet nga të arrestuarit! Enver Diva kërkon praninë e gazetarëve, Gentjan Sharra: Kisha biznese, s'jam marrë me grabitje
ZH.LLPërditësimi i fundit 7 Janar 2025, 14:52
Nuredin Dumani
TIRANË- Seanca e Nuredin Dumani vijon sot me dyer të mbyllura në Gjykatën e Posaçme në procesin gjyqësor “Plumbi i Artë”. Mësohet se gjatë kësaj seance, tashmë i penduari i drejtësisë, ka dëshmuar nën presionin e ndërhyrjeve të të arrestuarve të tjerë. Dumani ka rrëfyer e ka kryer krime në bashkëpunim me ta, teksa këta të fundit i janë drejtuar me tone të ashpra.
Ndër të arrestuarit, Gentjan Sharra, ka pretenduar se në kohën kur e implikon Dumani, ai kishte bizneset e tij, kishte fituar tenderë prej 2 milionë eurosh dhe posedonte një automjet 50 mijë euro. Ai ka vënë në dyshim nevojën e Dumanit për të marrë pjesë në një grabitje për të fituar disa mijëra euro, të cilat do të ndaheshin.
Po ashtu, Petrit Qoli, një tjetër i arrestuar, ka thënë se është mbajtur në arrest për tre vjet për shkak të deklaratave të Dumanit dhe se kjo ka lënë jashtë një grua që ai e dashuron. Ndërkohë, Enver Diva i ka kërkuar gjykatës që, pas përfundimit të dëshmisë së Dumanit, e cila po kontestohet nga të arrestuarit dhe avokatët, gazetarët të lejohen në sallë për të raportuar versionin e tyre.
