50-vjeçari Thimjo Rubati, i plagosur pas një atentati mbrëmjen e së premtes në Sarandë, i transportuar mandej në spitalin...
AKTUALITET
Po transportonin pjesë automjetesh me vlerë 8000 euro, arrestohen 3 persona, mes tyre një doganier në Morinë
M.B.Përditësimi i fundit 24 Qershor 2024, 12:08
Foto ilustruese
KUKËS- Tre persona janë arrestuar në flagrancë transportonin me autobus, pjesë automjetesh, me vlerë rreth 8000 euro, të kontrabanduara nga Kosova. Në lidhje me rastin është arrestuar gjithashtu 1 doganier i Degës Doganore Morinë dhe janë vendosur nën hetim 3 punonjës policie të PKK Morinë, të dyshuar si të implikuar. Po ashtu në lidhje me rastin janë sekuestruar në cilësinë e provës materiale disa disqe automjetesh.
Njoftimi:
Sektori për Hetimin e Krimeve i DVP Kukës, në bashkëpunim me Drejtorinë Rajonale të Agjencisë së Mbikëqyrjes Policore Kukës- Dibër, Sektori i Hetimit, finalizoi operacionin policor të koduar “Linja”, pas një hetimi me metoda proaktive, të kryer në drejtimin e Prokurorisë së Kukësit.
U kapën në flagrancë teksa transportonin me autobus, pjesë automjetesh, me vlerë rreth 8000 euro, të kontrabanduara nga Kosova, arrestohen 3 shtetas. Gjithashtu, vihen në pranga 1 doganier i Degës Doganore Morinë dhe në hetim 3 punonjës policie të PKK Morinë, të dyshuar të implikuar në këtë rast.
Sekuestrohen mallrat (disqe automjetesh) e dyshuara të kontrabanduara. Si rezultat i një hetimi të ndjekur proaktivisht, për goditjen e rasteve të transportimit të mallrave të ndryshme, nga Kosova, me qëllim shitjen në Shqipëri, u finalizua operacioni policor i koduar “Linja”, në kuadër të të cilit:
-u vunë në pranga shtetasit:
Sh. H., 53 vjeç, G. B., 37 vjeç dhe I. H., 35 vjeç, për veprën penale “Kontrabanda me mallra të tjera”, kryer në bashkëpunim;
Xh. Sh., 46 vjeç, me detyrë doganier në Degën Doganore Morinë, për veprën penale "Kontrabanda nga punonjës që lidhen me veprimtarinë doganore".
