Policia e Shtetit/ Mbyllet faza e parë e konkursit: Mes 200 konkurentëve 10 gra në garë për t'u bërë shef komisariati!

Drejtoria e Policisë së Shtetit

TIRANË- Faza e parë e konkursit në Policinë e Shtetit është mbyllur të premten, teksa bëhet me dije se rreth 200 punonjës policie me gardat “nënkomisar”, “komisar” dhe “kryekomisar”, kanë shfaqur interes në garën për 48 komisariatet në të gjithë vendit. Në mesin e tyre janë 10 janë gra, të cilat synojnë emërim, në një procedurë gare për shef komisariati që bëhet për herë të parë, pas ndryshimeve ligjore në ligjin për Policinë e Shtetit.

Komisioni që do të shqyrtojë kandidaturat përbëhet nga 3 gra, ndërsa brenda afateve ligjore secila kandidaturë do të kalojë në filtër të veçantë, për t’u përmbyllur me intervistimet dhe përzgjedhjen përfundimtare.

Mësohet se pjesë e garës janë bërë të gjithë shefat aktual të komisariateve, përfshirë shefa krimesh apo rendit dhe sigurisë, e më gjerë.

Ndërkohë, në Policinë e Shtetit, të shtunën u përmbyllën intervistimet për 42 kandidatët në garën për drejtues qarku, ndërsa maksimumi deri në fundin e javës së ardhshme përmbyllet procesi, duke bërë zyrtarisht emërimin e 12 drejtuesve të rinj, të cilët po ashtu vijnë pas një procesi gare që u zhvillua për herë të parë.

Në bazë të analizës që do të bëj komisioni përzgjedhës për çdo kandidaturë fituese, do bëhet emërimi i përveçëm në qarqe të caktuara. Me interes priten emërimet në qarqe të konsideruara “të vështira”, nga Tirana, Shkodra, Durrësi, Vlora, Fieri, Lezha dhe Elbasani, ku niveli i kriminalitetit është në nivelet më të larta. 

Gara në Policinë e Shtetit bëhet për herë të parë. Më herët, emërimet bëheshin në bazë të analizës dhe emrave që ishin në dispozicion. Qasje e re u jep mundësi të gjithë ambiciozëve të synojnë rolet drejtuese.

policia e shtetit gara per drejtues mbyllet faza e pare