Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
AKTUALITET
"Policia po vepron vetëm me një njoftim të ministres"/ Aktivistja Vatnikaj: Sekuestrimi i skuterëve, pa asnjë ligj
PiranjatPërditësimi i fundit 16 Tetor 2025, 11:00
Aktivistja Sidorela Vatnikaj, e ftuar në një emision televiziv, ka folur për aksionin e Policisë së Shtetit për ndalimin dhe sekuestrimin e mjeteve elektrike, si monopatina, skuterë dhe biçikleta, duke i cilësuar ato si të paligjshme dhe të pabazuara në ligj.
Vatnikaj theksoi se veprimet e fundit të Policisë janë të mbështetura në një vendim qeverie të vitit 2000, që lidhej me mjete që nuk ekzistonin as në atë kohë. Ajo u shpreh se nuk ka ende një ligj të veçantë që rregullon përdorimin ose ndalimin e këtyre mjeteve, dhe çdo veprim i Policisë për sekuestrimin e tyre është i padrejtë dhe i pabazuar në ligj.
"Aplikimi ka mbetur në vullnetin e policisë, i cili bën edhe ndalimin e qytetarëve sepse nuk kanë një bazë ligjore për çfarë pretendojnë mbi monopatinat. Baza ligjore që po ndalojnë monopatinat, skuterat elektrikë, motorët elektrikë, biçikletat elektrike...është një VKM. VKM 153 e vitit 2000, pra një kohë kur këto mjete nuk kishin ekzistuar fare, e jo më të ktheheshin në një problem."
Ajo gjithashtu tregoi se, në një bisedë me Policinë Rrugore, atyre u ishte thënë se sekuestrimi i këtyre mjeteve po bëhet për shkak të mungesës së një baze ligjore, duke u premtuar një “baza ligjore” brenda 30 ditësh.
Vatnikaj vazhdoi duke thënë "Imagjino sa absurde dhe sa pa logjikë është që fillimisht ta ndëshkosh qytetarin për një kundravajtje që në këtë moment nuk rregullohet me ligj. Problemi nuk është vetëm që janë sekuestruar skuterët dhe monopatinat, por që Policia e Shtetit dhe Ministria e Brendshme po veprojnë pa një bazë ligjore."
Aktivistja shprehu gjithashtu shqetësimin e saj se ndalimi dhe sekuestrimi i mjeteve elektrike nuk ka asnjë lidhje me një urdhër të ministrave dhe se, përkundrazi, është një shkelje e drejtpërdrejtë e ligjit ekzistues. Si përdoruese e skuterit, Vatnikaj nënvizoi se ka patentë shoferi dhe është e informuar për rregullat e sigurisë në rrugë, por akuzoi autoritetet për veprime të shpejta dhe të paplanifikuara pa bazë ligjore të fortë.
