Sindikata e Punonjësve të Universiteteve të Shqipërisë (SPUSH) i është bashkuar reagimeve ndaj dhunës policore ndaj st...
AKTUALITET
Porti Durrës, po dërgoheshin në Itali me furgon, sekuestrohen 10 piktura me vlerë rreth 25 mijë euro, një i arrestuar e dy të shpallur në kërkim
m.lPërditësimi i fundit 2 Maj 2025, 12:10
DURRËS- Dhjetë piktura me vlerë 25 mijë euro janë sekuestruar ditën e sotme në portin e Durrësit nga policia kufitare. Bëhet me dije se këto vepra arti ishin në tentativë për trafikim nga shoferi i furgonit Kasem Qato, i cili është arrestuar. Mësohet se janë shpallur në kërkim edhe dy perosna të tjerë të dyshuar si bashkëpunëtorë, G. N., 53 vjeç dhe Q. H., 25 vjeç.
Mbi to rëndon vepra penale 'rafikimi i veprave të artit dhe kulturës' e kryer në bashkëpunim si edhe policia vijon punën për kapjen dhe arrestimin e dy perosnave të shpallur në kërkim.
NJOFTIMI I POLICISË:
Policia Kufitare godet një rast të tentativës për trafikim të veprave të artit. Sekuestrohen 10 piktura me vlerë rreth 25 000 euro. Arrestohet në flagrancë drejtuesi i furgonit ku u gjetën pikturat. Identifikohen dhe shpallen në kërkim 2 shtetas, të dyshuar si bashkëpunëtorë në këtë rast.
Në vijim të punës së bazuar në analizën e riskut, të kryer nga Policia Kufitare e PKK Port Durrës, në hyrje/dalje të vendit, me qëllim parandalimin dhe goditjen e krimeve në kufi, në dalje të Shqipërisë, është kaluar në vijë të dytë, për kontroll të detajuar, furgoni me drejtues shtetasin Kasem Qato. Nga kontrollet në këtë mjet, janë gjetur 10 vepra arti (piktura), të padeklaruara, për të cilat ky shtetas nuk dispononte asnjë dokument që vërtetonte origjinën e tyre apo pronësinë mbi to. Në vijim të veprimeve procedurale për rastin, u arrestua në flagrancë shtetasi Kasem Qato, 37 vjeç, banues në Elbasan.
Gjithashtu, u shpallën në kërkim shtetasit Q. H., 25 vjeç, banues në Fier dhe G. N., 53 vjeç, banues në Durrës, pasi nga hetimet dyshohen si bashkëpunëtorë të shtetasit Kasem Qato, për trafikimin e pikturave. Vijon puna për kapjen e tyre dhe për dokumentimin e plotë të këtij rasti. Materialet procedurale i kaluan Prokurorisë së Durrësit, për veprime të mëtejshme, për veprën penale “Trafikimi i veprave të artit dhe kulturës”, kryer në bashkëpunim.
