Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
AKTUALITET
Primatët e Kishave Orthodhokse të botës luten për shëndetin e kryepeshkopit Anastas Janullatos
n.fPërditësimi i fundit 10 Janar 2025, 16:57
Foto
ATHINË- Primatët e Kishave Orthodhokse të botës po luten për shëndetin e Fortlumturisë së Tij Kryepeshkopit Anastas Janullatos. Primatët e Kishave Orthodhokse më këto ditë të vështira për shëndetin e Kryepeshkopit i kanë dërguar atij letra ndërsa Anastas luten për shërimin e tij.
Patriarku Ekumenik Tërëshenjtëria e tij, Vartholome në letrën e tij drejtuar kryepeshkopit shkruan se lutet për një shërim të shpejtë dhe të plotë të Janullatos. Edhe Patriarku i Jeruzalemit Theofil në letrën e Tij ndër të tjera shkruan për shërim të shpejtë dhe rikthimin e plotë të shëndetit për kryepeshkopin për të vazhduar, me forcë të patundur, shërbesën e shenjtë kryepriftërore për të mirën e Kishës Orthodhokse në Shqipëri dhe të të gjithë orthodhoksëve.
Janullatos u transportua me avion nga Shqipëria mesditën e së premtes, 3 janar dhe u shtrua në spitalin “Evangelismos” ndodhet në gjendje kritike për jetën. Shëndeti i Kryepeshkopit është përkeqësuar mbrëmjen e së shtunës, 4 janar ndërsa ekipi mjekësor i spitalit, i drejtuar nga profesoresha e Pulmologjisë dhe Kujdesit Intensiv, Anastasia Kotanidou, vijon monitorimin e tij.
Para shtrimit në spital në "Evangelismos", 95-vjeçari, i cili ka një histori të komplikuar mjekësore, kishte shfaqur simptoma të virusit. Ai u shtrua fillimisht në një spital në Tiranë. Megjithatë, mjekët raportuan se pas përkeqësimit të shëndetit të tij, u vendos transferimi i tij në Greqi për të marrë kujdesin e specializuar mjekësor.
Primatët e Kishave Orthodhokse të botës luten nxehtësisht për shëndetin e Fortlumturisë së Tij Kryepiskopit Anastas. Në këto ditë të vështira për shëndetin e Kryepiskopit Anastas, Primatët e Kishave Orthodhokse në mbarë botën, Episkopë, klerikë, besimtarë të shumtë kanë dërguar letra ku luten nxehtësisht për shëndetin e Fortlumturisë së Tij Kryepiskopit Anastas.
Patriarku Ekumenik Tërëshenjtëria e Tij z. Vartholome në letrën e Tij drejtuar Kryepiskopit Anastas ndër të tjera shkruan:
"Në këto rrethana, Ju përshëndesim vëllazërisht dhe lutemi për një shërim të shpejtë dhe të plotë, që të mund të vazhdoni me veprat tuaja të dashura për Perëndinë, duke lavdëruar dhe falënderuar Atë që "i shëron të gjitha sëmundjet tona" (Psalmi 102:3). Duke Ju përqafuar, fort i dashur dhe i shtrenjtë Fortlumturi, me puthje vëllazërore, mbetemi me dashuri dhe respekt të veçantë në Krishtin". 8 janar 2025
Më Krishtin, vëlla i dashur i Fortlumturisë tuaj të respektuar, Vartholomeu i Konstantinopojës
Edhe Patriarku i Jeruzalemit z. Theofil në letrën e Tij ndër të tjera shkruan: "Prandaj, i lutemi Shpëtimtarit tonë Jisu Krisht, që u lind në shpellë dhe u vendos në grazhd, t’Ju japë shërim të shpejtë dhe rikthimin e plotë të shëndetit për të vazhduar, me forcë të patundur, shërbesën Tuaj të shenjtë kryepriftërore, baritore dhe misionare, të vlefshme dhe të dashur nga Perëndia, për të mirën e Kishës Orthodhokse në Shqipëri dhe të të gjithë orthodhoksëve të bekuar. Ju përqafojmë me puthje të shenjtë nga Shpella Perëndipritëse dhe e Shenjtë". Në Qytetin e Shenjtë të Jerusalemit, më 22 dhjetor 2024 Më Krishtin, vëlla i dashur i Fortlumturisë tuaj të Perëndimbrojtur, † Theofili III Patriarku i Jerusalemit
Edhe Patriarkët e Rumanisë dhe Bullgarisë dërguan letra ku luten për shërimin e Kryepiskopit Anastas.
Patriarku i Kishës së Rumanisë z. Daniel shkruan: "Fortlumturi, vëlla dhe bashkëmeshëtar, Në këto momente sprove, i drejtojmë mendimet tona te ju Fortlumturi dhe i lutemi Zotit tonë Jisu Krisht, Mjekut të shpirtrave dhe trupave tona, që të ndihmojë mjekët t’ju lehtësojnë dhimbjen dhe t’ju rikthejnë shëndetin.
Kisha Orthodhokse Rumune lutet së bashku me klerin dhe besimtarët e Kishës vëllazërore Orthodhokse të Shqipërisë për shërimin e plotë të Fortlumturisë suaj". Me dashuri vëllazërore në Zotin Jisu Krisht, † DANIELI
Patriarku i Kishës Orthodhokse Rumune.
Në të kremten e Shën Joan Pagëzorit 7 Janar 2025 Patriarku i Bullgarisë z. Daniel lutet për shëndetin e Fortlumturisë së Tij z. Anastas me fjalët:
"Lutemi nxehtësisht para Zotit për shërimin tuaj të shpejtë me hirin e Tij hyjnor, i cili «në dobësi përmbushet» (2 Kor. 12, 9). Perëndia i gjithëmëshirshëm, përmes ndërmjetimeve të Nënës së Tij të papërlyer, Ju dhuroftë shëndet të patundur dhe forcë, që të kapërceni me sukses këtë provë dhe të vazhdoni t'i shërbeni Kishës së shenjtë edhe në të ardhmen, si shembull për të gjithë ne, ashtu si keni bërë deri tani". Duke kërkuar bekimet e shenjta të lutjeve Tuaja, mbetemi me dashuri të sinqertë në Krishtin, vëlla dhe bashkëmeshues,
† Danieli Patriarku i Bullgarisë.
Lutje të shumta për Kryepiskopin Anastas janë bërë gjatë këtyre ditëve nga shumë Hierarkë, priftërinj, besimtarë nga e gjithë bota orthodhokse dhe jo vetëm.
