"Pritet urdhri i ministrit!" Ish-komandanti i Forcave të Armatosura: Shembet së shpejti Akademia e Marinës në Vlorë, koncension, një investitori strategjik pranë familjes mbretërore

VLORA- Ish-komandanti i Forcave të Armatosura, Artur Meçollari ka thënë me anë të një postimi në rrjetet sociale se së shpejti do të shembet Akademia e Marinës në Vlorë. Lidhur me këtë Meçollari shkruan se pritet urdhri i Ministrit të Mbrojtjes Pirro Vengu. 

Sipas Meçollarit, pas shëmbjes së godinës, sipërfaqja prej 24.141,58 m2, poshtë rrugës dytësore deri në Lungomare, pritet t'i jepet si konçesion një investitori strategjik pranë familjes mbretërore. Ai ka shtuar se forca detare sot ka në inventar vetëm 4843 m² të godinës, kurse sipërfaqja prej 19298,58 m² përpara godinës deri në Lungomare i ka kaluar Ministrisë së Turizmit me VKM në vitin 2017.

Postimi i plotë:

Shëmbet së shpejti Akademia e Marinës në Vlorë. Pritet urdhëri i Ministrit të Mbrojtjes Pirro Vëngu për shëmbjen e saj. Mbas shëmbjes së godinës sipërfaqja prej 24.141,58 m2, poshtë rrugës dytësore deri në Lungomare, pritet t'i jepet si konçesion një investitori strategjik pranë Familjes Mbretërore.

Forca detare sot ka në inventar vetëm 4843 m² të godinës, kurse sipërfaqja prej 19298,58 m² përpara godinës deri në Lungomare i ka kaluar Ministrisë së Turizmit me VKM në vitin 2017. Akademia e Marinës u inagurua në 4 shtator 1961 në Bazën e Pashalimanit dhe në vitin 1962 u vendos pikërisht te kjo godinë që do shëmbet së shpejti.

vlora