Kryetari i Partisë Demokratike, Sali Berisha, ka shpërndarë në rrjetet sociale një pjesë nga fjala e një protestueseje n&eu...
AKTUALITET
Probleme dhe vonesa me afishimin e listave të zgjedhësve/ KQZ kërkesë bashkive: Të merren masa të menjehershme për respektimin e afateve ligjore
r.llPërditësimi i fundit 10 Shkurt 2025, 11:53
foto ilustruese
TIRANË- Kreu i Komisionit Qendror Zgjedhor, Ilirjan Celibashi iu ka bërë sot thirrje bashkive u bën thirrje bashkive që të marrin masa të menjëhershme dhe të respektojnë afatet dhe kërkesat ligjore pasi janë konstatuar problematika me listat e zgjedhësve.
Në njoftimin e mëposhtëm drejtuar bashkive nga KQZ, thuhet se nga një monitorim i bërë janë konstatuar vonesa në afishimin e listave të zgjedhësve në disa bashki, ka vështirësi në aksesimin e zgjedhësve me aftësi të kufizuara. Po ashtu një problematike e evidentuar nga KQZ është se informacioni për caktimin e QV-ve dhe njoftimi i zgjedhësve ende nuk është raportuar.
KQZ kërkon nga bashkitë të përfundojnë raportimin e caktimit të vendndodhjes së qendrave të votimit brenda afateve të përcaktuara në Kodin Zgjedhor. Po ashtu i kërkon ministrisë së Brendshme lehtësimin e procesit të njoftimit të zgjedhësve për të siguruar që ky proces të realizohet brenda afateve ligjore.
NJOFTIMI I PLOTË PËR BASHKITË NGA KQZ:
Duke marrë në konsideratë detyrimet që burojnë nga Kodi Zgjedhor, lidhur me publikimin e listave të zgjedhësve, njoftimin me shkrim të zgjedhësve dhe raportimin për vendndodhjen e qendrave të votimit (QV), është e nevojshme të merren masa të menjëhershme nga ana e bashkive për respektimin e afateve dhe kërkesave ligjore.
Nga monitorimi i bërë nga KQZ:
- Janë konstatuar vonesa në afishimin e listave të zgjedhësve në disa bashki.
- Ka vështirësi në aksesimin e zgjedhësve me aftësi të kufizuara.
- Informacioni për caktimin e QV-ve dhe njoftimi i zgjedhësve ende nuk është raportuar.
Procesi i njoftimit të zgjedhësve nuk ka filluar në shumicën e bashkive për shkak të mungesës së fondeve dhe modelit të njoftimit, ndërsa afati për përfundimin e tij është 6 mars 2025.
Për të adresuar problematikat e sipërcituara, KQZ i kërkon bashkive:
Të përfundojnë raportimin e caktimit të vendndodhjes së qendrave të votimit brenda afateve të përcaktuara në Kodin Zgjedhor.
Gjithashtu, i kërkon Ministrisë së Brendshme lehtësimin e procesi të njoftimit të zgjedhësve për të siguruar që ky proces të realizohet brenda afateve ligjore.
