Çmimet e larta të karburanteve po rëndojnë mbi buxhetet familjare dhe po ndryshojnë zakonet e përdorimit të automjeteve. ...
AKTUALITET
Protestues, policë, gazetarë e deputetë, MSH bën bilancin: 23 të lënduar dje në protestë. Ja si paraqitet gjendja e Erjon Vishkullit që u g*dit në sy
PiranjatPërditësimi i fundit 25 Tetor 2026, 10:01
Ministria e Shëndetësisë dhe Mirëqenies Sociale ka përditësuar informacionin mbi personat e lënduar gjatë protestës së zhvilluar më 24 tetor 2026 në Tiranë. Sipas të dhënave paraprake nga strukturat spitalore dhe poliklinikat, gjithsej 23 persona janë paraqitur për ndihmë mjekësore.
Në Spitalin Universitar të Traumës janë paraqitur 16 të lënduar, mes tyre 12 protestues, dy përfaqësues të medias dhe dy efektivë policie. Njëri prej protestuesve ka pësuar dëmtime në sy, për të cilat iu nënshtrua një ndërhyrjeje kirurgjikale urgjente gjatë ditës së djeshme.
Sipas Ministrisë së Shëndetësisë, gjatë ditës së sotme do të zhvillohet një konsultë e zgjeruar mes ekipit të profesionistëve të Spitalit Universitar të Traumës dhe Qendrës Spitalore Universitare “Nënë Tereza”, me qëllim përcaktimin e vijimësisë së trajtimit për protestuesin e dëmtuar.
Ndërkohë, në QSUT janë paraqitur pesë persona: një deputet i Kuvendit, një protestues, dy efektivë policie dhe një përfaqësues i medias. Sipas njoftimit, të gjithë kanë marrë mjekimin e nevojshëm dhe janë larguar nga ambientet e spitalit.
Edhe në Poliklinikën e Specialiteteve Nr. 2 në Tiranë janë paraqitur dy efektivë policie, të cilët kanë marrë trajtimin e nevojshëm dhe janë larguar.
Ministria e Shëndetësisë bën me dije se informacioni është paraprak dhe bazohet në të dhënat e strukturave shëndetësore.
PËRDITËSIM informacioni mbi të lënduarit gjatë protestës së djeshme, 25 tetor 2026, oa 09:15
Ministria e Shëndetësisë dhe Mirëqenies Sociale, sipas informacioneve paraprake nga strukturat spitalore dhe poliklinikat informon se gjatë protestës së datës 24 tetor 2026 në strukturat shëndetësore janë paraqitur 23 të lënduar:
*Në Spitalin Universitar të Traumës janë paraqitur 16 të lënduar:
- 12 protestues. Njëri prej të cilëve i lënduar në sy. - 2 përfaqësues të medias. - 2 efektivë policie.
Për protestuesin e lënduar në sy: është kryer dje ndërhyrja kirurgjikale e urgjencës. Sot do të zhvillohet një konsultë e zgjeruar, me ekip të përbashkët profesionistësh të SUT dhe QSUT për të përcaktuar vijueshmërinë e trajtimit.
Në Qendrën Spitalore Universitare “Nënë Tereza”, janë paraqitur:
- 1 deputet i Kuvendit - 1 protestues - 2 efektivë policie - 1 përfaqësues i medias
Të lënduarit kanë marrë mjekimin dhe kanë lënë ambjentet e QSUT.
Poliklinika e Specialiteteve Nr.2, Tiranë janë paraqitur:
- 2 efektivë policie, të cilët kanë marrë trajtim e nevojshëm dhe janë larguar.
