Protestat në Tiranë vijojnë me përplasje mes demonstruesve dhe policisë së rendit, shkruan BBC. Nxënësit e shkollave t...
AKTUALITET
"Pse më sheh gruan", plagosja në Tale të Lezhës, policia: Autori u largua në drejtim të autostradës
M.B.Përditësimi i fundit 21 Korrik 2024, 15:27
Foto ilustruese
LEZHA- Lidhur me plagosjen e regjistruar në zonën e Tales, në Lezhë, ka reaguar dhe policia me anë të një njoftimi. Mësohet se ngjarja është regjistruar rreth orës 13:30 ku dy persona janë konfliktuar pët motive xhelozie.
"Pse më sheh gruan’’, raportohet se ka qenë fjalia e cila nisi dhe konfliktin. Gjithashtu mësohet se A.M., banues në Zejman ka mbetur i plagosur dhe është dërguar në spital, teksa raportohet se është jashtë rrezikut për jetën.
Ndërkohë, autori i ngjarjes, pasi ka kryer plagosjen, është larguar me një automjet në drejtim të autostradës.
Njoftimi:
Lezhë/Informacion paraprak
Rreth orës 13:30, në një zonë larg pushuesve në plazhin Tale, dyshohet se pas një konflikti për motive të dobta mes dy shtetasve,(motive xhelozie) ka mbetur i plagosur me armë zjarri jashtë rrezikut për jetën shtetasi A.M, banues ne Zejmen Lezhë.
Autori i ngjarjes pasi ka kryer plagosjen, është larguar me një automjet në drejtim të autostradës. Shërbimet e Policisë kanë shkuar menjëherë në vendin e ngjarjes dhe vijojnë punën për kapjen e autorit i cili është i identifikuar nga ana e Policisë.
Grupi hetimor ka sekuestruar në vendngjarje celularin e autorit të dyshuar dhe prova të tjera që do ti shërbejnë hetimit për dokumentimin ligjor të këtij rasti. Për shkak të rrethanave të hetimit nuk jepen të dhena të tjera.
Grupi hetimor nën drejtimin e Prokurorit po vijon veprimet hetimore për sqarimin e rrethanve dhe dokumentimin ligjor të rastit.
