Dritare të thyera, njolla zjarri nëpër mure: ministria e Arsimit në Tiranë mbart gjurmët e protestave të ditëve të...
AKTUALITET
VIDEO/ Punimet në aksin Vorë-Maminas, krijohet trafik kilometrik në rrugën dytësore! Vargu i automjeteve arrin 15 km
PiranjatPërditësimi i fundit 13 Tetor 2025, 18:12
Një situatë e rënduar trafiku është regjistruar gjatë ditës së sotme në aksin dytësor Vorë–Maminas, si pasojë e bllokimit të një segmenti të autostradës që lidh këto dy zona.
Raportohet se trafiku është përqendruar kryesisht në rrugën dytësore, ku është krijuar një varg i pandërprerë automjetesh që nis nga kryqëzimi i Budullës (pranë Fushë-Krujës) e deri në zonën e Maminasit. Kolona e automjeteve vlerësohet të jetë mbi 15 kilometra e gjatë.
Autostrada Tiranë–Durrës do të ketë mbyllje të pjesshme nga sot, më 13 tetor, për shkak të nisjes së punimeve në kuadër të projektit “Emergjencë për riparimin e nënshtresave dhe shtresave asfaltike në segmentin rrugor Vorë–Ura e Dajlanit”.
Në njoftimin e bërë publik nga Autoriteti Rrugor Shqiptar dhe Ministria e Infrastrukturës disa ditë më parë, u njoftua se bllokimi do të ndodhë në drejtimin Vorë–Durrës, në këto segmente:
-Vorë–Maminas
-Maminas–Sukth
-Sukth–Fllakë
-Fllakë–Mbikalimi i Shkozetit
-Mbikalimi i Shkozetit–Ura e Dajlanit
Punimet do të zgjasin 1 deri në 2 ditë për çdo segment, dhe gjatë kësaj kohe drejtuesit e automjeteve këshillohen të përdorin rrugën alternative Vorë–Maminas–Katër rrugët e Shijakut–Durrës. Pas përfundimit të ndërhyrjeve në krahun Vorë–Durrës, punimet do të vijojnë në krahun tjetër, Ura e Dajlanit–Vorë, me të njëjtën ndarje segmentesh dhe kohëzgjatje.
ARRSH u bën thirrje qytetarëve dhe drejtuesve të mjeteve për mirëkuptim, duke theksuar se ndërhyrja ka për qëllim përmirësimin e sigurisë dhe cilësisë së qarkullimit në një nga akset më të ngarkuara të vendit.
