Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
AKTUALITET
Në “Audi” me armë: 40-vjeçari dhe e reja tentuan t’i ikin policisë
PiranjatPërditësimi i fundit 4 Tetor 2025, 10:53
Dy persona janë arrestuar nga policia në Fier, pasi udhëtonin me një automjet të tipit Audi, të armatosur. Në pranga ranë një 40-vjeçar i identifikuar si Gentian Ndreko (Gentian Selaci) dhe një 31-vjeçare e identifikuar si Ana Pelanaj, të cilët u ndaluan nga efektivët e Policisë në lagjen “Apollonia” për një kontroll rutinë.
Gjatë kontrollit të automjetit, drejtuesi i mjetit dhe pasagjerja tentuan të largoheshin, por u kapën menjëherë nga efektivët. Në çantën marsup të 40-vjeçarit, u gjet një armë zjarri pistoletë me municion luftarak.
Si pasojë, ndaj të dy të arrestuarve janë ngritur akuza të ndryshme. Ndreko-Selaci, banues në fshatin Sulaj, akuzohet për "Mbajtja pa leje dhe prodhimi i armëve dhe municionit" dhe "Mosbindja ndaj urdhërit të punonjësit të policisë". Ndërsa, Pelanaj, banuese në fshatin Portëz, akuzohet për "Veprime që pengojnë zbulimin e së vërtetës" dhe "Mosbindja ndaj urdhërit të punonjësit të policisë".
Njoftimi i policisë:
Qarkullonin të armatosur dhe nuk iu bindën urdhërit të policisë për të ndaluar, vihen në pranga 2 shtetas.
Sekuestrohet një pistoletë me municion luftarak, automjeti dhe 2 celularë.
Pas informacioneve të marra në rrugë policore se me një automjet tip “Audi”, lëviznin shtetas të armatosur, shërbimet e Patrullës së Përgjithshme të Komisariatit të Policisë Fier me mbështetjen dhe të Forcës së Posaçme “Shqiponja”, pasditën e djeshme, në lagjen “Apollonia” kanë ndaluar për kontroll automjetin tip “Audi” me të cilin qarkullonin 2 shtetas. Në momentin e ndërhyrjes së Policisë, drejtuesi i automjetit dhe pasagjerja kanë tentuar të largohen por janë kapur menjëherë nga shërbimet e Policisë.
Gjatë kontrollit, në çantën marsup të drejtuesit të automjetit, u gjet një armë zjarri pistoletë me municion luftarak.
Arma e zjarrit u sekuestrua në cilësinë e provës materiale, bashkë me automjetin dhe 2 aparate celularë.
Në vijim të veprimeve për rastin, nga specialistët për Hetimin e Krimeve të Komisariatit të Policisë Fier u arrestua në flagrancë shtetasi G. N. alias G. S., 40 vjeç, banues në fshatin Sulaj, për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Mosbindja ndaj urdhërit të punonjësit të policisë së rendit publik” dhe shtetasja A. P., 31 vjeçe, banuese në fshatin Portëz, për veprat penale “Veprime që pengojnë zbulimin e së vërtetës” dhe “Mosbindja ndaj urdhërit të punonjësit të policisë së rendit publik”.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
