Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
AKTUALITET
Qëlloi 6 herë biznesmenin, por ai vdiq nga një shkak tjetër. Shqiptari arrestohet bashkë me shokët për kokainë e vepra të tjera kriminale
PiranjatPërditësimi i fundit 7 Tetor 2025, 17:57
Një operacion i madh i policisë italiane ka filluar që në orët e para të mëngjesit të së martës, me tetë persona të arrestuar, katër prej të cilëve u transferuan në burg dhe katër të tjerë nën arrest shtëpiak.
Ata akuzohen për vepra të ndryshme penale përshirë tentativë vrasjeje, tentativë grabitjeje, posedim dhe mbajtje pa leje të armëve dhe komplot kriminal për shpërndarjen e narkotikëve.
Midis personave nën hetim është një shtetas shqiptar me precedent penal, i konsideruar si autori i dyshuar i tentativës së vrasjes së një biznesmeni nga Brescia, dhe një oficer i Policisë Vendore të Desenzano del Garda, i konsideruar "promovuesi dhe organizatori”, në bashkëpunim me një biznesmen nga Bergamo dhe disa shtetas marokenë", sipas një deklarate të lëshuar nga Prokuroria e Brescias.
Ata janë përfshirë në një rrjet kriminal për trafikimin e kokainës, që vepronte kryesisht në Desenzano.
HETIMET DHE ARRESTIMET
Hetimi nisi mbrëmjen e 1 marsit të vitit të kaluar më Breshia, kur një biznesmen në Montichiari u sulmua nga disa individë, të gjithë të maskuar, ndërsa po mbyllte portën e biznesit të tij të riciklimit të metaleve. Njëri nga sulmuesit, i identifikuar më vonë, qëlloi tetë herë nga një armë kalibri 9 mm, gjashtë prej të cilave e goditën viktimën (në këmbë, krahë dhe bark). Biznesmeni u shtrua më pas në spital në gjendje të rëndë, u trajtua dhe arriti të mbijetonte.
Fatkeqësisht, viktima vdiq më 16 shtator 2024, por nga një shkak tjetër. Dyshohet se krimi përfshin një italian me precedentë të shumtë kriminalë. Ai u arrestua gjatë hetimit dhe u akuzua për posedim të paligjshëm të armëve të zjarrit (dy pistoleta dhe katër pushkë) dhe municioneve. Për më tepër, u kryen 23 kontrolle ndaj të dyshuarve në të njëjtin proces, të cilët nuk i nënshtroheshin asnjë mase kufizuese.
KËRKIMET NGA GUARDIA DI FINANZA
Njëkohësisht policia kreu 19 kontrolle për të vërtetuar akuzat penale që lidhen me evazionin fiskal. Kontrollet u kryen në provincat e Brescias, Milanos, Bergamos, Veronës, Mantuas, Ferrarës dhe Rovigos, me specialistë të ndihmuar nga pajisje teknike moderne dhe njësi qensh "cash dog". Hetimet kanë zbuluar ekzistencën e dy grupeve kriminale të dedikuara për lëshimin e faturave për transaksione jo ekzistente me vlerë mbi 450,000 euro.
Oficeri i Policisë Vendore të Desenzanos, i arrestuar për akuza për drogë, dyshohet se ka vepruar si ndërmjetës në një nga këto grupe për biznesmenin nga Bergamo, gjithashtu i arrestuar, nëpërmjet përfshirjes së një kompanie fiktive të drejtuar nga kriminelë nga Breshia dhe që vepronin në sektorin e ndërtimit. I njëjti biznesmen dyshohet se ka formuar, në bashkëpunim me katër individë të tjerë, një grup të dytë të specializuar në lëshimin e faturave të rreme, duke marrë TVSH-në si kompensim. /Piranjat.al/
