Qëlloi me armë gjahu në afërsi të banesës së një personi për ta kanosur, në kërkim autori në Durrës

DURRËS- Një person është shpallur në kërkim nga policia e Durrësit pasi qëlloi me armë zjarri në afërsi të një banese pas një konflikti. Mësohet se ngjarja ka ndodhur rreth orës 23:50, në fshatin Shakllnur të Durrësit, ku autori me iniciale E. Gj. ka qëlluar me armë gjahu në ajër në afërsi të banesës së E. T., me qëllim kanosjen.

Njoftimi:

Ndërkohë është sekuestruar në cilësinë e provës materiale  arma e gjahut me të cilën qëlloi i arratisuri, e cila posedohej me leje nga babai i tij.

Qëlloi me armë gjahu në ajër, në afërsi të banesës së një shtetasi, me qëllim kanosjen pas një konflikti për motive të dobëta, shpallet në kërkim.

Rreth orës 23:50, në fshatin Shakllnur, dyshohet se pas një konflikti për motive të dobëta, shtetasi E. Gj. ka qëlluar me armë gjahu në ajër, në afërsi të banesës së shtetasit E. T., me qëllim kanosjen.

Shërbimet e Policisë ndodhen në vendngjarje dhe po bëjnë krehjen e zonës, me qëllim kapjen e autorit. Në cilësinë e provës materiale është sekuestruar arma e gjahut me të cilën qëlloi shtetasi E. Gj., e cila posedohej me leje, nga babai i tij. Ndërkaq, një grup i posaçëm hetimor po punon për të zbardhur rrethanat e rastit.

durres