Viktor Bardhi i vrarë mëngjesin e sotëm në Mirditë është vëllai i Martin Bardhit, i mbetur viktimë e një ate...
AKTUALITET
Qeveria i kthen tokat e djegura në zona betoni. Në kulmin e zjarreve, Rama vendoste për...
PiranjatPërditësimi i fundit 6 Shtator 2025, 23:18
Qeveria po kthen tokat e djegura nga zjarret masive që pushtuan vendin, në zona betoni. Kryeministri Rama, si kreu i Këshillit Kombëtar të Territorit dhe Ujit, nuk humbet kohë por miraton vendimin për ti dhënë leje ndërtimi dhe zhvillimi kompanive private, në zonat kadastrale që u shkrumbuan. Ky vendim u miratua në gusht të 2025, në kulmin e zjarreve, duke shtuar edhe më tej dyshimet, se ato kanë qenë të qëllimta.
Ndërkohë që zjarret e kësaj vere patën efekte shkatërruese në zona të shumta të Shqipërisë, qeveria e Edi Ramës e ka parë si një mundësi për të zhvilluar strategjinë e betonizimit në çdo cep të vendit.
Në 25 Gusht 2025, Këshilli Kombëtar i Territorit dhe Ujit, nën drejtimin e kryeministrit Edi Rama, miratoi vendimin “Për përcaktimin e procedurave për evidentimin në terren të pasurive me zë kadastral “Pemëtore” apo “Ullishte”, gjatë shqyrtimit të aplikimeve për leje ndërtimi dhe zhvillimi”.
Ky vendimi u miratua në një kohë kur vendi po kalonte një prej stinëve verore më shkatërruese nga flakët, periudhë në të cilën Mekanizmi i Bashkimit Europian për Zjarret raportoi djegien e mbi 55 mijë hektarëve pemishte e pyje në të gjithë Shqipërinë.
Vendimi i miratuar me firmën e Edi Ramës është një akt që shton akoma më shumë dyshimet e ngritura më herët se zjarret e shumta në Shqipëri dhe neglizhenca e strukturave shtetërore për t’i përballuar, fsheh një plan të mirëmenduar qeveritar për shndërrimin e zonave të gjelbëruara në toka djerrë e që më pas t’i kthejë në trojë për betonizim.
Në vendim e miratuar në fund të muajit Gusht, Këshilli Kombëtar i Territorit dhe Ujit kërkon që, në rast se projektet përfshijnë toka me zë kadastral “pemëtore” apo “ullishte”, të kryhet paraprakisht një verifikim në terren për të parë nëse ekzistojnë realisht ose jo kulturat drufrutore apo ullishtet.
Sipas vendimit, zhvilluesit, pra kompanitë private, do të bashkëpunojnë me agronomët e zonave ose institucionet lokale, për të konfirmuar se në tokat me zona kadastrale ullishte ose pemëtore nuk ka drurë. Pas këtij konfirmimi, Këshilli Kombëtar i Territorit dhe Ujërave do të japë lejet e ndërtimit apo zhvillimit.
Pemëtoret dhe ullishtet përfshihen në zërin kadastral “tokë bujqësore”. Ligji lejon që në tokat bujqësore të ndërtohen vetëm struktura të përkohshme. Ndërkohë, ligji për drufrutorët, parashikon që pemëtoret mund të ndryshojnë destinacionin vetëm në rast se kanë pësuar dëmtime të mëdha fizike e biologjike, të cilat e bëjnë pa leverdi investimin për gjallërimin e drurëve.
Zjarret e pamenaxhuara nga strukturat shtetërore shkatërruan përfundimisht shumë sipërfaqe pemëtore dhe ullishte. Pra, tashmë ato toka janë të gatshme për të ndryshuar destinacionin e për t’u kthyer në beton./Syri tv
