Pas refuzimit të përsëritur të studentëve dhe pedagogëve për t’u ulur në dialog me të, kryeministri Edi Ram...
AKTUALITET
"Qeveria justifikohet se nuk i rrit pensionet se nuk ka para!" Protesta e pensionistëve para Kryeministrisë, Arlind Qori: Jeni shpresa më e madhe që ka Shqipëria sot
M.B.Përditësimi i fundit 30 Tetor 2024, 10:57
TIRANA- Kreu i Lëvizjes Bashkë, Arlind Qori, ka marrë pjesë so në protestën e pensionistëve para Kryeministrisë. Qori tha se qeveria e ka justifikim mungesën e parave për rritjen e pensioneve. Ai shtoi se po të krahasosh pagat e deputetëve me pensionin minimal në Itali, janë 10 fish më të lartë, ndërsa në Shqipëri 41 herë më të larta. Qori inkurajoi pensionistët ta vazhdonin protestën.
“Qeveria e Edi Ramës justifikohet se nuk i rrit pensionet se nuk ka para. E njëjta qeveri thotë se PBB është dyfishuar. E njëjta qeveri justifikohet se nuk ka para, e njëjta thotë se 4 miliardë euro ka fituar nga turizmi. 1 miliardë lekë mjaftojnë për rritjen e pensionit dhe që pensioni minimal të ishte 220 euro. Në Italinë e zhvilluar, rroga e deputetit është sa 10-fishi i pensionit minimal.
Në Shqipëri 41 herë më lartë, në vendin që ka pensionet më të ulëta në Europë. Ne nuk mund të bëhemi Italia, Gjermania dhe Zvica, por mund të bëhemi si vendet e rajonit. Shqipëria ka pension mesatar 180 euro në muaj. Si ka mundësi që fqinjët tanë në të njëjtin nivel ekonomik si ne ka pensione të larta? Ua them unë, kemi qeverinë më të korruptuar dhe më të paafta.
Ju me këtë protestë, e keni gozhduar Edi Ramën. Kurrë nuk ka qenë në vështirësi sa protestat e studentëve në 2018. Atë që arritën 30 mijë student, e arritët ju këtu. Mos u ndalni, motra dhe vëllezër. Jemi sot grushti i fuqishëm që i bjerë malit të korrupsionit. Do të protestojmë derisa mali i padrejtësive të bëhet hi. Ju e keni mundësinë të bëheni lokomotiva e shoqërisë. Jeni shpresa më e madhe që ka Shqipëria sot”, tha Qori.
