Qeveria, vendim për shpërblimin e uniformave blu për festat e fundvitit, ja kategoritë që mund të përfitojnë

TIRANA- Qeveria ka vendosur që të shpërblejë për festat e fundvitit forcat e rendit. Mësohet se vendimi është në proces finalizimi dhe pritet të bëhet publik të hënën, ku do të saktësohen kategoritë e forcave të rendit që shpërblehen me bonus si dhe masa e përfitimit.

Sikundër edhe në vendimet e mëparshme, nuk do të jetë një shumë fikse, pasi qëllimi i qeverisë është të mbështesë më tepër ata që marrin më pak. Policët me grada më të ulëta do të kenë përfitimin maksimal, ndërsa ata që gëzojnë grada madhore mbi atë “inspektor” mësohet se nuk do të jenë pjesë e këtij shpërblimi.

Vendimi për të shpërblyer punonjësit e policisë vjen pas bonusit të akorduar nga qeveria për pensionistët, familjet në nevojë, personat me aftësi të kufizuar si dhe për një pjesë të administratës. Ashtu si për uniformat blu, edhe tek administrata shpërblim për festat e fundvitit do të përfitojnë punonjësit me paga të ulëta. Në këtë kategori përfshihen shoferët, sanitaret, punonjësit e arkivit, protokollit.

qeveria