I ftuar në emisionin ‘Kafe Shqeto’ në Syri TV, pedagogu Gjok Vuksani ka akuzuar kryeministrin Edi Rama për gjuhën fyese ndaj s...
AKTUALITET
Ra në Lanë teksa i arratisej Policisë, arrestohet mashtruesi 34-vjeçar në Tiranë
S.BPërditësimi i fundit 12 Shtator 2024, 13:50
TIRANË- Një 34-vjeçar i cili ditën e djeshme (11 shtator) ra në lumin Lana teksa i arratisej policisë është vënë në pranga ditën e sotme. Mësohet se S.K 34 vjeç përvetësonte para nga disa persona me anë të mashtrimit.
Në momentin kur policia iu vu nga pas për ta arrestuar, 34-vjeçari është arratisur me motomjetin e tij, por përfundoi në Lanë. Autori u dërgua në spital nga ku mori ndihmën mjekësore, dhe ditën e sotme është arrestuar.
Ndaj tij rëndojnë akuzat për veprat penale “Mashtrimi” dhe “Kundërshtimi i punonjësit të policisë së rendit publik”.
Njoftimi i policisë:
Tiranë/Vijon puna për evidentimin dhe goditjen e paligjshmërive në fushën e krimit ekonomik.
Përvetësoi shuma të ndryshme parash nëpërmjet mashtrimit, ndalohet 34-vjeçari.
Specialistët për Hetimin e Krimeve Ekonomiko-Financiare të DVP Tiranë në bashkëpunim me Komisariatin e Policisë Nr. 2, në vijim të punës për goditjen e paligjshmërive, pas kallëzimeve të marra se një shtetas përvetësonte shuma të konsiderueshme parash me anë të mashtrimit, menjëherë kanë organizuar punën për kapjen dhe vënien e tij përballë përgjegjësisë ligjore dhe kanë finalizuar operacionin policor të koduar “Përsëritësi”.
Si rezultat i tij u ndalua shtetasi S. K., 34 vjeç, banues në Tiranë, për veprat penale “Mashtrimi” dhe “Kundërshtimi i punonjësit të policisë së rendit publik”, parashikuar nga nenet 143/2 dhe 236 të Kodit Penal.
Ky shtetas dyshohet se nëpërmjet mashtrimit ka përvetësuar shuma të ndryshme parash nga disa shtetas. Ditën e djeshme, shërbimet e Policisë i kanë bërë shenjë ndalimi por 34-vjeçari nuk është bindur ndaj urdhrave të tyre dhe ka devijuar rrugën duke rënë në lumin Lana.
Materialet i kaluan Prokurorisë, për veprime të mëtejshme procedurale.
