Banorët e Poliçanit kanë dalë sërish në protestë kundër shkrirjes së Bashkisë Poliçan, ndërsa n&...
AKTUALITET
VIDEO/ Rama trondit me deklaratën, tallet me pacientët me kancer!
PiranjatPërditësimi i fundit 12 Nëntor 2025, 19:03
Zero ndjeshmëri ka shprehur kryeministri Edi Rama ditën e sotme gjatë takimit me banorët e njësisë nr.5, duke krahasuar kancerin me një grup. Sëmundje vdekjeprurëse kjo që çon një familje të tërë në kolaps. Diagnostikimi me këtë sëmundje të një pjestari në familje është kosto emocionale, psikologjike dhe monetare.
Një barazim i tillë, shumë i rëndë me diçka të zakonshme, është një shmangie nga përgjegjësia. Kryeministri pavarësisht se indikrekt pranon problemin, që rastet me kancer janë shtuar ndjeshëm, duhet të zbuloi, shkaktarët e përhapjes, duke nisur nga niveli i lartë i ndotjes së ajrit, ushqimet e pasigurta, dhe deri te mungesa e medikamenteve dhe kimioterapive.
Kryeministri duhet të ofrojë strategji që qytetarët të kenë akses në shëndetësi, që të bëjnë analiza dhe diagnostikimin në kohë të këtyre sëmundjeve. Sipas raporteve, shqiptarët janë në kufijtë e mbijetesës dhe nuk kanë para të mjaftueshme për të kryer as ekzaminimet rutinë.
Edhe kur diagnostikohen shteti nuk u siguron dot trajtimin e nevojshëm me medikamente dhe kimioterapi.
“Tani dua të them edhe diçka tjetër. Për kancerin. Tani kanceri është bërë si grip jo vetëm në Shqipëri, por kudo, dëgjojmë lajme për rritjen e kësaj sëmundjeje. Ndodh edhe 3 herë në javë që marr mesazhe nga qytetarët se në shtëpitë e tyre u shfaqet kanceri ndonjë prej të afërmve të tyre.
Po shfrytëzojnë edhe kancerin për politikë, por ajo që është reale përtej transformimeve që kemi bërë, kemi një problem që është real, jo se e kemi marrë vesh sot, por sot është koha që s’mundemi ta shtyjmë për shkak të problemeve përkatëse. Problemi i barnave, barnat e rimbursueshme të pacientëve që kanë kancer. Pse? Sepse janë barna që kushtojnë.
Por siç ndodh në një familje ku bie kjo sëmundje, dhe di diçka nga kjo edhe në anën personale, që të ndihmojmë njeriun që vuan këtë pasojë, dhe ne kemi 83 mandate ku çdo i sëmurë me kancer në Shqipëri të mbështetet e të ndihmohet si njeriu ynë. Ndaj kemi përacaktuar një buxhet të veçantë për të mbuluar kancerin, barnat, për njerëzit tanë”, tha ai./piranjat.al
