Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
AKTUALITET
Raporti i SHBA “Albania Investment Climate”/ Krimi e korrupsioni hedhin poshtë propagandën e Ramës, ja si është realiteti
PiranjatPërditësimi i fundit 27 Shtator 2025, 19:12
“Albania Investment Climate” , raporti i Shteteve të Bashkuara të Amerikës, ka publikuar një raport mbi gjendjen e politikës, krimit dhe ekonomisë në Shqipëri për vitin 2025.
Në këtë raport theksohet se Shqipëria është një vend me një popullsi 2.4 milionë banorë, referuar këtu regjistrimeve të 2023-shi brenda territorit shqiptar.
Teksa fillimisht në raport theksohet se politika shqiptare, mazhoranca është duke reklamuar vazhdimisht punimet për hapjen e negociatave me Bashkimin Europian, situata nuk është e gjitha kaq pozitive.
Në një kohë, kur qeveria synon të hapë të gjashtë grupet dhe të fillojë negociatat e pranimit në BE për të gjitha, 33 kapitujt deri në verën e vitit 2025, vendi po has çdo ditë problematika nga më të ndryshmet.
“Pavarësisht qëndrueshmërisë dhe rritjes së qëndrueshme të demonstruar nga ekonomia shqiptare në vitet e fundit, zhvillimi i saj ekonomik mbetet i ndjeshëm ndaj:
• korrupsionit të përhapur,
• krimit të organizuar,
• konkurrencës së shtrembëruar,
• mungesës së fuqisë punëtore për shkak të emigrimit,
• produktivitetit të ulët dhe
• një sektori të madh informal.”-thuhet në raport.
Sipas raportit këto problematika janë alarmate dhe çdo ditë edhe më shqetësuese për qytetarët shqiptarë.
Në raport theksohet se investitorët e huaj vazhdojnë ta perceptojnë Shqipërinë si një vend të vështirë për të bërë biznes. Ata përmendin sfidat e vazhdueshme për investimet dhe biznesin për shkak të, korrupsionit në sektorin publik, gjyqësorin dhe prokurimet publike; konkurrencën e padrejtë dhe të shtrembëruar, ekonominë e madhe informale, dhe pastrimin e parave.
Në raport evidentohet se investitorët e huaj vazhdojnë ta perceptojnë Shqipërinë si një vend të vështirë për biznes. Ata përmendin sfidat e vazhdueshme për investimet dhe biznesin në vend, të cilat lidhen me:
korrupsionin në sektorin publik, gjyqësor dhe prokurimet publike;
konkurrencën e padrejtë dhe të shtrembëruar;
një ekonomi të madhe informale;
pastrimin e parave;
ndryshime të shpeshta të legjislacionit fiskal;
të drejtat mbi pronën; dhe zbatimin e dobët të kontratave.
Sipas DASH Komuniteti i biznesit raporton se fluksi i madh i të ardhurave të paligjshme nga trafikimi i drogës, kontrabanda, evazioni fiskal dhe korrupsioni shtrembëron konkurrencën në treg. Investitorët raportojnë se mund të jenë objektiva të zhvatjes nga administrata publike, media dhe grupet kriminale.
"Emigracioni i punëtorëve të rinj dhe të kualifikuar ka krijuar mungesa fuqie punëtore që ndikojnë mbi perspektivat e investimeve. Komuniteti i biznesit raporton se fluksi i madh i të ardhurave të paligjshme nga trafiku i drogës, kontrabanda, shmangia fiskale dhe korrupsioni shtrembëron konkurrencën në treg. Investitorët raportojnë se mund të jenë objekt i shantazhit nga administrata publike, mediat dhe grupet kriminale.
Raporte për korrupsion në prokurimet qeveritare janë të zakonshme, me investitorët që shpesh raportojnë raste ku korrupsioni shtyn ose pengon investimet në Shqipëri. Përdorimi i vazhdueshëm i kontratave të partneritetit publik-privat (PPP) ka reduktuar mundësitë e konkurrencës, duke përfshirë edhe investitorët e huaj, në sektorin e infrastrukturës dhe sektorë të tjerë. Analizat e dobëta dhe mungesa e ekspertizës teknike në hartimin dhe monitorimin e kontratave PPP mbeten shqetësime të vazhdueshme.
Disa investitorë amerikanë janë përballur me mosmarrëveshje komerciale të ashpra me entitete publike dhe private, përfshirë disa që kanë shkuar deri në arbitrazh ndërkombëtar."
Departamenti Amerikan i Shtetit thotë se zhvillimi i ekonomisë shqiptare mbetet i brishtë përballë korrupsionit të përhapur, krimit të organizuar, konkurrencës së shtrembëruar, mungesës së fuqisë punëtore për shkak të emigracionit, produktivitetit të ulët, dhe një sektori informal shumë të madh. Dhe se vendi ka nevojë të ndërmarrë reforma të thella strukturore.”
“Megjithëse ekonomia shqiptare ka treguar qëndrueshmëri dhe rritje të qëndrueshme vitet e fundit, zhvillimi i saj mbetet i brishtë përballë:
korrupsionit të përhapur,
krimit të organizuar,
konkurrencës së shtrembëruar,
mungesës së fuqisë punëtore për shkak të emigracionit,
produktivitetit të ulët, dhe
një sektori informal shumë të madh.
PBB-ja për frymë e Shqipërisë është vetëm rreth një e katërta e mesatares së BE-15. Për t’i përballuar këto sfida dhe për të rritur konvergjencën ekonomike me ekonominë e BE-së, vendi ka nevojë të ndërmarrë reforma të thella strukturore.”/Piranjat.al
