Autoritetet në Afrikën e Jugut vijojnë hetimet për vdekjen e papritur të futbollistit Jayden Adams, mesfushorit të Mamelodi Sund...
AKTUALITET
Raste të përsëritura dhune ndaj gruas në Elbasan, arrestohen dy persona dhe procedohen penalisht shtatë të tjerë
S.BPërditësimi i fundit 9 Maj 2024, 14:28
foto ilustruese
ELBASAN- Arrestohen dy persona dhe procedohen penalisht shtatë të tjerë në Elbasan për vepra të ndryshme penale. Mësohet se janë arrestuar dy persona përkatësisht të moshave 42 dhe 75 vjeç pasi kanë dhunuar bashkëshortet e tyre.
Shtatë persona janë proceduar në gjendje të lirë për veprat penale dhuna ndaj kunatës, hyrja në banesë pa pëlqim, posedimi i kanabisit, ndërtimi pa leje, drejtimi automjetit pa patentë si dhe në gjendje të dehur.
Njoftimi i Policisë:
Drejtoria Vendore e Policisë Elbasan
Komisariati i Policisë Elbasan
-ndaloi me iniciativë shtetasin D. M., 42 vjeç, banues në Elbasan, pasi ka ushtruar dhunë ndaj bashkëshortes dhe vajzës së tyre të mitur;
-arrestoi në flagrancë shtetasin H. Q., 75 vjeç, banues në Elbasan, pasi ka ushtruar dhunë ndaj bashkëshortes së tij;
-referoi materialet në Prokurori ku nisi procedimi në gjendje të lirë për shtetasin L. N., 65 vjeç, banues në Elbasan, pasi ka ushtruar dhunë ndaj bashkëshortes së vëllait të tij, shtetases V. N. Gjithashtu, referoi materialet në Prokurori ku nisi procedimi në gjendje të lirë për shtetasit A. N., 38 vjeç dhe E. N., 40 vjeç (djemtë e shtetasit L. N.), pasi janë futur në banesën e shtetases V. N., pa pëlqimin e saj.
Seksioni për Hetimin e Narkotikëve referoi materialet në Prokurori ku nisi procedimi në gjendje të lirë për shtetasin A. B., 18 vjeç, pasi gjatë kontrollit fizik iu gjet një sasi lënde e dyshuar narkotike cannabis sativa.
Komisariati i Policisë Cërrik referoi materialet në Prokurori ku nisi procedimi në gjendje të lirë për shtetasin A. Z., 69 vjeç, banues në Belsh, pasi u konstatua duke kryer punime ndërtimi, pa lejen përkatëse.
Specialistët e Sektorit të Policisë Rrugore referuan materialet në Prokurori ku nisi procedimi në gjendje të lirë për shtetasit:
-L. T., 38 vjeç, pasi në qytetin e Belshit, u kap duke drejtuar automjetin, në gjendje të dehur;
-E. A., 16 vjeç, pasi në qytetin e Librazhdit, u kap duke drejtuar automjetin, pa leje drejtmi.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
