Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
AKTUALITET
Rekrutonin vajza nga Kina për t’i shfrytëzuar për prostitucion, vihet në pranga një person në Durrës, në kërkim dy të tjerë
n.fPërditësimi i fundit 17 Dhjetor 2024, 10:56
Durres
DURRËS- Një 50-vjeçar është vënë në pranga ditën e sotme në Durrës. Arrestimi i tij ka ardhur pas një hetimi 4-javor nga policia. Nga ky hetim u zbulua se 50-vjeçari rekrutonte vajza nga Kina dhe i sillte në Shqipëri për t’i shfrytëzuar për prostitucion.
Në lidhje me këtë rast janë proceduar penalisht 7 vajza të cilat akuzohen për veprën penale “Prostitucioni”. Gjithashtu janë shpallur në kërkim dy persona. Grupi në bashkëpunim me disa persona të tjerë në Vietnam pasi i rekrutonin vajzat nga Kinë, i dërgonin për kryerjen e aktivitetit kriminal të prostitucionit në Shqipëri. Ata siguronin apartamente dhe makina me qira për kryerjen e këtij aktiviteti.
I arrestuari bënte menaxhimin dhe kontrollin financiar të vajzave kineze që ushtronin aktivitetin kriminal në Shqipëri. Shumat e parave të përfituara nga ky aktivitet kriminal, 50-vjeçari i dërgonte tek njëri prej personave të shpallur në kërkim. Më tej theksohet se ai bënte ndarjen e parave, 25% të fitimit i merrte për vete, 35% i merrte grupi që drejtonte aktivitetin kriminal nga Vietnami dhe 40% i merrnin vajzat e rekrutuara, si pagë në bankë.
Finalizohet operacioni policor i koduar “Storm”, pas një hetimi 4-javor me metoda proaktive. Operacioni, nga Sektori për Hetimin e Trafiqeve të Paligjshme, në bashkëpunim me Prokurorinë e Durrësit. Goditet një grup i strukturuar kriminal që rekrutonte shtetase nga Kina dhe i sillte në Shqipëri, për t’i shfrytëzuar për prostitucion.
Vihet në pranga një anëtar i grupit, shpallen në kërkim 2 organizatorët dhe procedohen penalisht 7 shtetase nga Kina. Specialistët e Sektorit për Hetimin e Trafiqeve të Paligjshme të Drejtorinë Vendore të Policisë Durrës, pas një hetimi njëmujor me metoda proaktive, në bashkëpunim me Prokurorinë e Durrësit, për veprat penale “Shfrytëzimi i prostitucionit” dhe “Prostitucioni”, finalizoi operacionin policor të koduar “Storm”, i cili u zhvillua në lagjen nr.13, Plazh, Durrës.
Në kuadër të këtij operacioni: u bë arrestimi në flagrancë i shtetasit G. L., 50 vjeç, lindur në Kinë, i dyshuar për kryerjen e veprës penale “Shfrytëzimi i prostitucionit”; nisi procedimi penal për 7 shtetase nga Kina, për veprën penale “Prostitucioni”; u shpallën në kërkim shtetasi kinez G. L., 47 vjeç, njëri prej organizatorëve të grupit, dhe shtetasja kineze Y. Zh., 45 vjeçe, menaxhere e grupit, për veprën penale “Trafikimi i qenieve njerëzore”.
Nga veprimet hetimore rezultoi se shtetaset kineze rekrutoheshin nga një grup i strukturuar kriminal, pjesë e të cilit janë shtetasit kinezë G. L. dhe Y. Zh., lindur dhe banues në Kinë. Këta shtetas, në bashkëpunim me disa shtetas të tjerë në Vietnam, ende të paidentifikuar, pasi i rekrutonin shtetase kineze në Kinë, i dërgonin për kryerjen e aktivitetit kriminal të prostitucionit në Shqipëri, ku siguronin apartamente dhe makina me qira për kryerjen e këtij aktiviteti.
Nga hetimet rezultoi se ky grup kriminal përfaqësohej në Shqipëri, nga shtetasi G. L., i cili bënte menaxhimin dhe kontrollin financiar të shtetaseve kineze që ushtronin aktivitetin kriminal në Shqipëri. Shumat e parave të përfituara nga ky aktivitet kriminal, ky shtetas i dërgonte tek shtetasja Y. Zh., që jeton në Bahrein, e cila bënte ndarjen e parave, 25% të fitimit i merrte për vete, 35% i merrte grupi që drejtonte aktivitetin kriminal nga Vietnami dhe 40% i merrnin vajzat e rekrutuara, si pagë, në bankë.
Në cilësinë e provës materiale u sekuestruan shuma parash të përfituara nga prostitucioni, 13 celularë, 1 laptop, 1 fletore me shënime per vlerat monetare të përfituara dhe sende të tjera. Materialet procedurale i kaluan Prokurorisë, për veprime të mëtejshme.
