Gazetari Osman Stafa ka publikuar pamjet nga kamera e sigurisë së një prej bizneseve në zonën e Medresesë, aty ku më herë...
AKTUALITET
Rezultatet e Censit, ku ikën të moshuarit?
Emirjon SenjaPërditësimi i fundit 1 Korrik 2024, 22:31
Foto ilustruese
TIRANA- Piramida e popullsisë e publikuar sipas Censit 2024 është një kambanë alarmi për çfarë na pret gjatë dekadave të ardhshme duke na treguar ndërkohë nivelet e larta të shpopullimit gjatë viteve që lamë pas. Mosha mesatare tani në Shqipëri ëhtë 42.5 vjeç, me një rritje të ndjeshme krahasuar me Censin 2011, ndërkohë që jetëgjatësia mesatare është rreth 79 vjeç.
Tani le të ndalemi pak këtu. Ndërkohë që për shkak të përmirësimit të kushteve të jetesës; avancimit të teknologjisë; shërbimeve spitalore; medikamenteve etj., jetëgjatësia mesatare ka ardhur në rritje nga viti në vit në Shqipëri përveç periudhës së pandemisë, papritur duket se kemi një rritje të ndjeshme të vdekshmërisë për një grupmoshë të caktuar. Krahasuar me Censin 2011 nuk e teprojmë nëse themi se kemi një “shfarosje” të moshës mbi 85 vjeç gjatë viteve të fundit.
Të dhënat e Censit 2011 tregojnë se kemi patur mes 160-180 mijë qytetarë në moshën 85 vjeç e sipër, ndërsa sipas piramides se Censit 2024 kjo grupmoshë është përgjysmuar, ndërsa duket se është zhdukur farë mosha mbi 90 vjeç, e cila në Censin 2011 numëronte rreth 60-80 mijë qytetarë.
Të gjithë kemi patur të afërm apo kemi dëgjuar për të njohur në moshë që kanë humbur jetën në mënyrë të beftë. Dikush duhet të japë përgjigje se çfarë ndodhi me këto mosha gjatë viteve të fundit. Duken qartë që nuk janë humbje jete natyrale.
Piramida e popullsisë nuk mund të shkalafitet aq shumë sa ç’ka ndodhur me këto tonën në moshat mbi 80 vjeç thjesht për shkaqe të vdekjeve natyrore. Dikush nga institucionet përgjegjëse duhet të bëjë një analizë dhe të thotë se çfarë ndodhi. Ka shumë hamendësime për këtë, por mqs nuk jemi ekspertë të fushës, kemi në dorë të paktën të shtrojmë pyetje: Çfarë e “shfarosi” moshën 85 vjeç e sipër gjatë viteve të fundit ?
