Pedagogu Aleksandër Kovaçi tha para derës së kryeminsitrisë se nuk do të ketë dilaog me Ramë...
AKTUALITET
Samiti i parë ndërqeveritar Itali–Shqipëri, firmosen 16 marrëveshje në 8 sektorë
PiranjatPërditësimi i fundit 13 Nëntor 2025, 11:11
Shqipëria dhe Italia mbajnë sot në Romë samitin e parë ndërqeveritar, ku trijanë çështjet kryesore: mbrojtja, industria dhe emigrantët.
Mbledhja e parë mes qeverive të dy vendeve do të drejtohet nga kryeministrja e Italisë, Giorgia Meloni dhe kryeministri Edi Rama.
Kjo është konfirmuar nga qeveria italiane përmes një njoftimi të publikuar në faqen zyrtare ku thuhet se samiti i parë ndërqeveritar Itali-Shqipëri do të mbahet sot, në orën 11:30.
Gjatë samitit pritet të ketë dhe takime dypalëshe të ministrave me homologët e tyre. Marrëveshjet pritet të shtrihen në fushën e sigurisë, emigracionit, shëndetësia, energjia, turizmi, ekonomia e tjerë.
LISTA E MARRËVESHJEVE PËR TAKIMIN NDËRQEVERITAR SHQIPËRI – ITALI
SEKTORI: BASHKËPUNIM STRATEGJIK (G2G)
1. Marrëveshje ndërmjet Këshillit të Ministrave të Republikës së Shqipërisë dhe Qeverisë së Republikës Italiane për bashkëpunim strategjik në kujdesin shëndetësor, energji, mjedis, industrinë e sigurisë dhe mbrojtjes, trajtimin e migracionit të parregullt, arsim, inovacion, diasporë, transformim ekonomik dhe rritjen inteligjente.
2. Memorandum Mirëkuptimi ndërmjet Ministrisë për Evropën dhe Punët e Jashtme të Republikës së Shqipërisë dhe Ministrisë së Punëve të Jashtme dhe Bashkëpunimit Ndërkombëtar të Republikës Italiane mbi bashkëpunimin për sigurinë kibernetike.
SEKTORI: POLICI & BASHKËPUNIM GJYQËSOR
3. Memorandum Mirëkuptimi mbi operacionet antidrogë ndërmjet Drejtorisë së Përgjithshme të Policisë së Shtetit në Ministrinë e Brendshme të Republikës së Shqipërisë dhe Drejtorisë Qendrore për shërbimet kundër drogës në Ministrinë e Brendshme të Republikës Italiane.
4. Marrëveshje ndërmjet Qeverisë së Republikës së Italisë dhe Qeverisë së Republikës së Shqipërisë për grantin për zbatimin e Projektit: “Përparimi i Shëndetit Neonatal dhe të Nënës në Shqipëri (ANMA)-AID 013307”.
5. Marrëveshja kuadër mes dy qeverive për bashkëpunimin në fushën e mbrojtjes.
6. Marrëveshje Teknike ndërmjet Ministrisë së Mbrojtjes së Republikës së Shqipërisë dhe Ministrisë së Transportit dhe Infrastrukturës së Qeverisë së Italisë për transferimin e dy motovedetave për forcimin e kapaciteteve operacionale të Rojës Bregdetare Shqiptare.
7. Memorandum Mirëkuptimi midis KAYO sh.a. dhe Fincantieri S.p.A. në fushën e industrisë së mbrojtjes.
8. Memorandum Mirëkuptimi midis KAYO sh.a. dhe Leonardo S.p.A. “Mbi promovimin e bashkëpunimit në fushën e industrisë së mbrojtjes”.
9. Marrëveshje mes dy qeverive për huan mbi zhvillimin e sistemit të mbrojtjes civile.
10. Marrëveshje mes dy qeverive për grantin për forcimin e kapaciteteve të mbrojtjes civile.
11. Memorandum Mirëkuptimi midis Agjencisë Kombëtare të Mbrojtjes Civile dhe Departamentit të Mbrojtjes Civile Italiane “Mbi Bashkëpunimin në fushën e Mbrojtjes Civile”.
12. Deklaratë trilaterale bashkëpunimi mes Agjencisë Italiane të Bashkëpunimit për Zhvillim “AICS Tirana”, Departamentit të Mbrojtjes Civile italiane dhe Agjencisë Kombëtare të Mbrojtjes Civile shqiptare.
13. Marrëveshje Bashkëpunimi ndërmjet Galerisë Kombëtare të Arteve të Republikës së Shqipërisë dhe Fondacionit MAXXI – Muzeu Kombëtar i Arteve i Shekullit XXI, Romë.
14. Marrëveshje ndërmjet Agjencisë Shqiptare të Zhvillimit të Investimeve (AIDA) dhe SIMEST S.p.A. për mbështetjen e ndërmarrjeve të vogla dhe të mesme shqiptare.
15. Hua financiare për përmirësimin e rrjetit elektrik në Veri të Shqipërisë pas tërmetit 2019 (AID 12329).
16. Memorandum Mirëkuptimi për bashkëpunim teknik ndërmjet Cassa Depositi e Prestiti dhe Ministrisë së Financave.
