Burime mediatike se asnjë nga tre të plagosurit nuk ka qenë objektiv i atentatit mbrëmë në Elbasan, por një person tjet&e...
AKTUALITET
Shantazhi në rrjetet sociale fenomen shqetësues në Korçë, adoleshentët: Disa vajza kanë tentuar t’i japin fund jetës! Autorët të dënohen me burg
PiranjatPërditësimi i fundit 6 Shkurt 2025, 11:47
Foto ilustruese
KORÇË - Dy adoleshentë të qytetit të Koçës kanë folur ditën e sotme në lidhje me shantazhi dhe denigrimin që po u bëhet vajzave në këtë qytet përmes një faqe anonime në rrjete sociale i cili është kthyer në një fenomen shqetësues.
Në një prononcim për News 24, adoshentët shprehen se kjo faqe ka shpërndarë në një hark kohor prej 4 vitesh shumë video dhe foto me emra me qëllim shantazhin dhe denigrimin e figurës së tyre. Adoleshentët tregojnë se faqja në Instagram nuk qëndron gjithmonë aktive por mbyllet dhe hapet herë pas here me qëllim për të fshehur gjurmët.
Përveç denigrimit kjo faqe ka si qëllim edhe kërcënimet aq sa në të shumtat e rasteve adoleshentët në gjendje të rënduar psikologjike kanë tentuar vetëvrasjen.
“Unë jam 15 vjeç, e mësova nga shoqëria ime që isha postuar në këtë faqe. Nuk e përjetova mirë por aty thoshin gjëra të pavërteta dhe nuk i mora shumë për bazë. Disa prej tyre kanë qënë miqtë e mi dhe nuk e kanë përjetuar mirë këtë çështje, disa prej vajzave kanë tentuar të vrasin edhe veten. Kjo faqe është hapur disa herë dhe është hapur prej 4 vitesh. Hapet dhe mbyllet shpesh, çdo 6 muaj, çdo 3 muaj. Aty ka ofendime të njerëzve, gënjeshtra, foto. Aty duan vetëm të ofendojnë dhe t’i bëjnë njerëzit të ndihen keq, aty komentojnë shumë njerëz jo vetëm një person, aty është një program i cili i ndihmon njerëzit të shkruajnë dhe të flasin për njerëzit e tjerë dhe të postohen pa emër, anonim. Aty nuk të del emri, nuk të tregon se kush shkruan, thjesht shkruan dhe e poston, je anonim. Disa prej vajzave kishin shkuar në polici dhe i kishin thënë që duhet të hapen çështje të tjera nuk mund të bënin gjë policët, por duhet të vinin në gjykatë, duhet të zinin prokuror. Duhet të gjenden me patjetër, duhen të merren masa”, shprehet njëri prej tyre.
Ata kërkojnë që sa më shpejt autorët të vihen përpara përgjegjësisë pasi presioni që ata ushtrojnë mbi ta shpeshherë me shkrime të pavërteta, është shumë i madh.
“Sa e zbulova, kjo faqe u hap një ditë para se të më hidhnin mua, më tha një shok shiko se të kanë hedhur tek kjo faqe dhe e lexova(çfarë kishin shkruar), u ndjeva shumë keq kur e lexova se më ulën shumë, ishin gjëra kot pa lidhje. Nxirrte shumë foto të vajzave nudo, shumë budallëqe, shumë gjëra që nuk ishin të vërteta. Mua më përfshinë me një vajzë që kam qenë i lidhur më parë, pastaj të hapnin name te faqja, jo me filanin me këto…shumë keq, jam mërzitur shumë, nuk më ka pëlqyer fare. Kam shumë shoqëri që i kishin nxjerrë aty, shumë shokë e shoqe, mesa di unë ata e kanë përjetuar shumë keq, si mua, edhe mua nuk më erdhi mirë kur e lexova atë gjë. Duhet tu jepet dënim me burg, se nuk ulet një njeri në një faqe instagrami, nëse ke për të thënë gjë thuaje në fytyrë jo mbrapa telefonit se nuk është gjë normale, është shumë gabim",- shprehet një tjetër prej tyre.
