Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
AKTUALITET
Shfrytëzimi për prostitucion i të miturës në Maliq, Gjykata e Korçës lë në burg Marsel Baçin dhe Selam Hykën
n.fPërditësimi i fundit 26 Korrik 2024, 16:04
Foto ilustruese
KORÇË- Gjykata e Korçës ka zhvilluar ditën e sotme seancën për caktimin e masës së sigurisë për Marsel Baçi dhe Selam Hyka. 26-vjeçari dhe 41-vjeçari janë arrestuar si të dyshuar se kanë kryer marrëdhënie seksuale me një 16 vjeçare dhe e kanë shfrytëzuar për prostitucion.
Gjatë seancës Gjykata e Korçës vendosi masën arrest me burg për Baçin dhe Hykën. Sipas policisë Marsel Baçi e shfrytëzonte 16-vjeçaren për prostitucion, ndërsa Selam Hyka dyshohet se ka kryer marrëdhënie seksuale me dhunë me të miturën.
Selami Hyka akuzohet për veprën penale “Marrëdhënia seksuale ose homoseksuale me dhunë me të mitur të moshës 14-18 vjeç”. Gjatë veprimeve të kryera në prezencë të psikologut, prindit dhe mbrojtësit ligjor, 16-vjeçarja ka kallëzuar se në muajin qershor të vitit 2024, ky shtetas ka kryer marrëdhënie seksuale me dhunë me të dhe i ka dhënë para;
Ndërkohë Marsel Baçi akuzohet për veprën penale “Shfrytëzimi i prostitucionit”, pasi nga veprimet hetimore të kryera për këtë rast, dyshohet se e shfrytëzonte 16-vjeçaren, për prostitucion.
Avokati mbrojtës i Marsel Baçit, Ledian Spaho se nuk ka prova konkrete, por dyshime që bazohen në deklarimet e personave kallëzues. Avokatët pretendojnë se në këtë fazë nuk provohet që ka pasur dhunë, presion psikologjik ndaj të miturës, ndërsa nuk mund të thuhet nëse ka pasur ose jo marrëdhënie.
“Në vlerësimin tonë si mbrojtje, dyshimi nuk ka ndonjë provë konkrete por janë deklarime të personave kallëzues të cilët orientojnë organin e akuzës në lidhje me ekzistencën e elementi të veprës penale por mënyra, forma, koha ku mund të jetë konsumuar vepra penale nuk përcaktohet.
Nga ana tjetër rezulton që në lidhje me shtetasin Marsel Baçi nuk ka ankesë konkrete por referohet vetëm nga komunikimi dhe një marrëdhënie që kanë patur të rinjtë kohët e fundit. Njëri është për “shfrytëzim prostitucioni” dhe dua tu shpjegoj që s’jemi në kushtet e një akuze por të një dyshimi. Nëse do flasim për akuzë do të presim përfundimin e hetimeve dhe administrimin e tërësisë të provave për të parë nëse ka vepër penale të shfrytëzimit të prostitucionit. Në këtë moment s’mund të flasim për këtë vepër penale sepse ajo kërkon elementë konkretë, veprime konkrete”, tha avokati.
