Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
AKTUALITET
Shfrytëzonin hapësirat publike për parkingje dhe lavazhe, 10 të arrestuar e 123 në hetim
PiranjatPërditësimi i fundit 1 Nëntor 2025, 09:13
Policia e Shtetit ka ndërmarrë një aksion për goditjen e rasteve të zaptimit të hapësirave publike dhe shfrytëzimin e tyre në mënyrë të paligjshme për parkingje ose lavazhe. Raportohet se në 24 orët e fundit janë evidentuar 133 raste, ku si rezultat janë arrestuar 10 persona, ndërsa 123 të tjerë janë proveduar penalisht në gjendje të lirë.
Gjithashtu, janë proceduar penalisht edhe 45 drejtues automjetesh për parkime të gabuara që pengonin lëvizjen e lirë të automjeteve, këmbësorëve apo automjeteve të emergjencës.
Konkretisht:
78 raste në Tiranë me 10 të arrestuar dhe 68 të proceduar;
16 raste në Shkodër me 16 shtetas të proceduar;
11 raste në Lezhë me 11 të proceduar;
6 raste në Korçë me 6 të proceduar;
6 raste në Fier e Lushnjë me 6 të proceduar;
4 raste në Vlorë e Sarandë me 4 të proceduar;
4 raste në Dibër me 4 të proceduar;
3 raste në Elbasan me 3 të proceduar;
2 raste në Berat me 2 të proceduar;
2 raste në Durrës me 2 të proceduar
1 rast në Gjirokastër me 1 të proceduar.
Gjithashtu, u evidentuan 45 raste të parkimeve të gabuara që pengonin qarkullimin e lirë të mjeteve apo qytetarëve, nga të cilat: 37 në Tiranë, 3 në Elbasan, 2 në Fier, 2 në Kukës, 1 në Durrës. Po ashtu, janë konstatuar 3 raste të punësimit të paligjshëm.
Materialet procedurale i kanë kaluar prokurorive të rretheve gjyqësore për veprime të mëtejshme.
