Shiste kanabis në zona të ndryshme të kryeqytetit, arrestohet 17-vjeçari

foto ilustruese

TIRANË- Arrestohet një 17-vjeçar në Tiranë. Mësohet se i riu pasi siguronte sasi kanabisi, e ndante në doza dhe e shpërndante në zona të ndryshme të Tiranës.

Si pasojë janë sekuestruar sasi kanabisi, para, një çelës automjeti si dhe një celular.

Njoftimi i Policisë:

Tiranë

Në kuadër të masave të përcaktuara në planin operacional "Tempulli 3, u finalizua operacioni policor i koduar "Shop".

Vihet në pranga një 17-vjeçar i dyshuar për shitje të lëndëve narkotike, në zona të ndryshme të Tiranës.  

Sekuestrohen sasi lënde e dyshuar narkotike cannabis sativa, shuma parash të dyshuara të përfituara nga kjo veprimtari kriminale, një çelës automjeti dhe një celular.  

Shërbimet e Komisariatit të Policisë Nr. 5, në vijim të punës për goditjen e veprimtarisë  kriminale të shitjes së lëndëve narkotike dhe në zbatim të masave të përcaktuara në planin operacional "Tempulli 3", kanë organizuar dhe finalizuar operacionin policor të koduar "Shop".        

 Në kuadër të këtij operacioni u bë kapja dhe arrestimi i një 17-vjeçari, banues në Kamëz.   

Ky shtetas dyshohet se pasi siguronte sasi lënde të dyshuar narkotike cannabis, e ndante atë në doza, të cilat më pas i shiste në zona të ndryshme në kryeqytet. 

Në cilësinë e provës materiale u sekuestruan sasi lënde e dyshuar narkotike cannabis, shuma parash të dyshuara të përfituara nga shitja e saj, një çelës automjeti dhe një celular.   

Materialet i kaluan Prokurorisë.

tirane kanabis