Kreu i Grupit Parlamntar ka reaguar gjatë ditës së sotme pas publikimit të përgjimeve nga ish zëvendës kryeministri Arben A...
AKTUALITET
Shitje droge dhe dhunë në familje/ Procedime dhe arrestime ndaj disa personave në Elbasan
PiranjatPërditësimi i fundit 31 Dhjetor 2025, 14:49
Drejtoria e Policisë Elbasan njofton se specialistët për Hetimin e Krimeve të Komisariatit të Policisë Elbasan kanë referuar materialet në Prokurori dhe ka nisur procedimi në gjendje të lirë për shtetasin M. C., 33 vjeç, i cili u konstatua në rrugën “Thoma Kalefi” duke shitur lëndë piroteknike në kundërshtim me ligjin. Në cilësinë e provës materiale u sekuestruan 23 fishekzjarrë dhe 4 kuti me kapsolla.
Ndërkohë, specialistët e Komisariatit të Policisë Peqin arrestuan në flagrancë shtetasin H. E., 48 vjeç, pasi dyshohet se ka ushtruar dhunë ndaj bashkëshortes dhe vajzës së tij 14-vjeçare.
Po ashtu, nga Komisariati i Policisë Librazhd u referuan materialet në Prokurori, ku nisi procedimi penal për shtetasit F. K., 31 vjeç dhe K. K., 28 vjeç (vëllezër). Sipas hetimeve, dyshohet se F. K. ka ushtruar dhunë ndaj vëllait të tij, K. K., ndërsa ky i fundit ka ushtruar dhunë ndaj bashkëshortes së vëllait.
Specialistët e Qarkullimit Rrugor referuan gjithashtu materialet në Prokurori për shtetasin S. S., 66 vjeç, pasi në aksin rrugor “Librazhd–Prrenjas” automjeti që ai drejtonte u përplas me një automjet tjetër me drejtues shtetasin A. P., 55 vjeç. Si pasojë, u dëmtua lehtë pasagjerja në automjetin e shtetasit A. P.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Elbasan për veprime të mëtejshme.
