Shkaktoi aksident teksa drejtonte makinën në gjendje të dehur, arrestohet 65-vjeçari në Fier

foto ilustruese

FIER- Arrestohet 65-vjeçari S.H në Fier pasi drejtonte automjetin në gjendje të dehur. Për pasojë 65-vjeçari është përplasur me një automjet tjetër duke shkaktuar dëme materiale.

Ndërkohë është proceduar penalisht 21-vjeçari K.Ç pasi ka aksidentuar lehtë një person tjetër. Në kerkim është shpallur 59-vjeçari V.L pasi ka vjedhur para nga shtëpia e nipit të tij.

Njoftimi i Policisë:

Drejtoria Vendore e Policisë Fier

Policia Rrugore arrestoi shtetasin S. H., 65 vjeç, banues në fshatin Kreshpan, pasi automjeti që e drejtonte në gjendje të dehur është përplasur një automjet tjetër, me pasojë vetëm dëme materiale.  

Gjithashtu referoi materialet në Prokurori ku nisi procedimi penal për shtetasin K. Ç., 21 vjeç, banues në Fier, pasi duke drejtuar automjetin, ka aksidentuar lehtë një shtetase.

Komisariati i Policisë Fier shpalli në kërkim shtetasin V. L., 59 vjeç, banues në Vlorë, pasi dyshohet se ke ka vjedhur një shumë parash në banesën e nipit të tij. Vijon puna për kapjen e tij.

Materialet procedurale i kaluan Prokurorisë, për veprime të mëtejshme.

fier