Ashtu siç pritej, me të mbërritur te kryeministria, ka nisur përplasja mes policisë dhe protestuesve.
Kanë qenë kë...
AKTUALITET
Shpërthimi në kutinë e matësve elektrike, si u inskenua vrasja e 67-vjeçarit në Shkodër. Policia: Autorët kryen vrasjen me pagesë! (VIDEO)
PiranjatPërditësimi i fundit 2 Janar 2026, 10:49
Paraditen e 29 dhjetorit një i moshuar në Shkodër mbeti i vdekur në rrethana të paqarta.
Policia e Shkodrës informoi se ngjarja ndodhi rreth orës 10:10, në lagjen “Manush Alimani”, në hyrjen e një pallati dhe si shkak i vrasjes së Hysni Ymerit ishte shpërthimi i kasetës së matësve të energjisë elektrike.
Nga ana tjetër, OSHEE thoshte nuk kishte ndodhur asnjë shpërthim i tillë në panelin e matësve të energjisë për të tepër, shpërthimi të ishte aq i fortë sa t’i merrte jetën 67-vjeçarit.
Por, katër ditë më vonë, ngjarja rezulton krejt ndryshe dhe ajo që u quajt shpërthim elektrike, rezulton të jetë shpërthim i telekomanduar me eksploziv. Ndryshimi është që shpërthimi i eksplozivit ka ndodhur te kutia e matësve elektrike. Policia çoi në pranga katër persona.
“Ndalimi i tyre u bë pasi ka dyshime të bazuara dhe të mbështetura në prova se këta shtetas, kundrejt pagesës, në bashkëpunim me njëri-tjetrin, më datë 29.12.2025, duke përdorur lëndë eksplozive (e dyshuar me telekomandim në distancë), kanë shpërthyer panelin elektrik të pallatit ku banonte shtetasi H. Y”, thuhet në njoftim. Policia thotë se ndalimi i këtyre shtetasve u bë pasi kanë kryer vrasjen kundrejt pagesës.
