"Shqipëria po bëhet çdo ditë më e pabanueshme"/ Ekonomisti: Një person që vjedh energji burgoset, ndërsa ai që helmon mijëra qytetarë me mishin me salmonelë gjykohet i lirë

klodian muço

TIRANË- Ekonomisti Klodian Muço është shprehur se janë një sërë faktorësh që së fundmi po e bëjnë Shqipërinë të pabanueshme. Një ndër to ai përmendi skandalin e mishit të pulës me salmonelë, ku mijëra tonë produkt u hodh në treg për konsum. Ndërkohë për këtë askush nuk mori përgjegjësi reale, ku edhe administratori që e ka hedhur në treg do gjykohet në gjendje të lirë.

Nga ana, ai shtoi në lidhjen për Syri Tv se kemi parë sesi një person që vjedh energji elektrike përfundon në burg dhe një person që ka helmuar mijëra qytetarë shqiptarë gjykohet në gjendje të lirë. Muço tha se ky krahasim tregon sa padrejtësi dhe pabarazi ka në vend. 

"Janë një sërë faktorësh që Shqipërinë e bëjnë të banueshme. Si mund të banosh në një vend ku të hidhet 18 ton mish pule me salmonelë në treg dhe asnjëri nuk mërr përgjegjësi për ktë gjë. Dhe administratori që e ka hedhur në treg do gjykohet në gjendje të lirë. Ndërkohë ne kemi parë sesi përfundonin njerëzit në burg sepse lidhin energjinë elektrike pa leje. Domethënë ti i shkakton një dëm shtetit që mund të jetë në disa mijëra euro dhe t'i shkon në burg, kur nga ana tjetër t'i helmon më mijëra qytetarë shqiptarë dhe i çon në spital, ku disa rrezikojnë vdekjen dhe përsëri gjykohesh në gjendje të lirë. Që këtu tregohet sa padrejtësi ka. Kështu pabarazia gjeneron emigracion. Shqipëria po kthehet çdo ditë e më tepër në një vend që nuk mund të banosh.", u shpreh Muço.

klodian muco mishi i pules me salmonele