Ish-zëvendëskryeministres Belinda Balluku iu komunikua sot shtyrja e hetimeve nga ana e SPAK deri më janar të vitit 2027. Siç shihe...
AKTUALITET
Shqiptari i shpëton deportimit nga Anglia, shkak djali i mitur i gruas, gjyqtari: Telefonatat në distancë nuk mund ta zëvendësojnë praninë fizike të 29-vjeçarit!
n.fPërditësimi i fundit 17 Mars 2025, 16:53
ANGLI- Një 29-vjeçar shqiptar i ka shpëtuar deportimit pasi një gjykatës britanik vendosi se telefonatat në distanca në Zoom do të ishin “shumë të ashpra” për djalin e tij. Dritan Mazreku u bë figurë atërore për djalin e të dashurës që tashmë është 15 vjeç. Mazreku u bë babai i të miturit një dekadë më parë që kur nisi lidhjen më nënën e 15-vjeçarit.
Gjykatësi arsyetoi se mjetet moderne të komunikimit nuk ishin “zëvendësues” për praninë fizike dhe vizitat e rregullta në Shqipëri. Sipas tij do të ishin “të pamenaxhueshme” për familjen e të miturit. Yvette Cooper, Sekretarja e Brendshme, argumentoi kundër vendimit dhe tha se i riu është i shëndetshëm mund të vazhdojë të mbështesë njerkun e tij nga Shqipëria. Megjithatë, kjo tani është hedhur poshtë nga gjykatësi i cili la në fuqi vendimin për të lejuar qëndrimin e Mazrekut në Angli.
Mazreku u martua me partneren e tij në vitin 2017, duke i dhënë të drejtën të qëndrojë në Britani. Megjithatë, ai u burgos për një krim të paspecifikuar dhe u përball me dëbimin. Ai e apeloi vendimin dhe një gjykatës në Gjykatën e Imigracionit të Nivelit të Parë zbuloi se kjo do të ishte "tepër e ashpër" ndaj djalit të tij, i cili tani është adoleshent dhe nuk kujton baba tjetër përveç njerkut.
Avokatët që përfaqësonin Mazrekun argumentuan se vendimi i marrë nga gjyqtari ishte i arsyetuar mirë. Zëvendës gjyqtari i Gjykatës së Lartë Phillips la në fuqi vendimin për të mos dëbuar Mazrekun.
