Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
AKTUALITET
Situata nga moti i keq/ Hyn uji në disa banesa në Vaun e Dejës, rrezikohen përmbytje
PiranjatPërditësimi i fundit 26 Tetor 2025, 11:00
Strukturat vendore të Mbrojtjes Civile kanë dhënë detaje të reja mbi situatën e krijuar nga moti i keq në qarkun Shkodër, ku reshjet e shiut kanë shkaktuar përmbytje dhe probleme të tjera në disa bashki të rajonit.
Në Bashkinë e Vaut të Dejës, janë raportuar përmbytje në disa banesa, veçanërisht në njësitë administrative të Bushat, Vau Dejës dhe Hajmel. Një tjetër shqetësim është dalja nga shtrati e lumit Glinë, i cili rrezikon të përmbytë një të tretën e territorit të qytetit të Vaut të Dejës.
Sipas informacionit të dhënë, reshjet intensive të shiut vazhdojnë të bien në pesë bashkitë e Qarkut Shkodër (Shkodër, Malësi e Madhe, Vau Dejës, Pukë dhe Fushë Arrëz), duke shkaktuar dëme dhe rreziqe të tjera. Në Bashkinë Fushë Arrëz, ka pasur rënie gurësh dhe inertesh në rrugët rurale dhe prezencë uji në akse rrugore.
Nga ana tjetër, Drejtoria e Ujitjes dhe Kullimit të Lezhës ka raportuar se, megjithë reshjet shumë intensive prej rreth 150 mm në 24 orët e fundit, deri tani nuk janë konstatuar probleme në kanalet kryesore të kullimit dhe në digat mbrojtëse. Megjithatë, situata po monitorohet ngushtësisht dhe do të ndërhyhet nëse shfaqen problematika.
Po ashtu, në Bashkinë Shkodër, në njësinë administrative Gur i Zi po merren masa për pastrimin e urës dhe përroit që kanë shkaktuar problematika të tjera.
